కొత్త సంవత్సరం... ఇంకేముందీ కొత్త జిందగీని స్టార్ట్ చేద్దాం అనుకుంటారు. ఒకటి రెండ్రోజులు బాగానే ప్రయత్నం చేస్తాం... కానీ కొద్దిరోజులకు ఆచరణలో వైఫల్యం చెందుతాం. ఈ ఏడాది యువత చేయాల్సిన పనులు ఏంటో చూద్దాం.
వ్యక్తిగత క్రమశిక్షణ:
యువత ఈ సంవత్సరం కచ్చితంగా తాము ఎలా ఉంటున్నామో గ్రహించుకోవాలి. ప్రధానంగా కోపం తగ్గించుకోవడం, ఇతరులతో బాగా ఉండాలనే నిర్ణయాలు తీసుకోవాలి. మన నడవడికను బట్టే అవతలి వ్యక్తులు మనతో మెలుగుతారనే విషయాన్ని గుర్తు పెట్టుకోవాలి.
అనవసర ఖర్చులు:
ముఖ్యంగా అనవసర ఖర్చులు తగ్గించుకోవాలి. ఒక వస్తువును కొంటున్నామంటే అది మనకు ఎంతవరకు అవసరమో గుర్తించాలి. డబ్బును పరిమితికి మించి వాడకూడదని గుర్తు పెట్టుకోవాలి.
చరవాణి వినియోగం:
ప్రస్తుతం యువత సామాజిక మాధ్యమాల్లో ఎక్కువగా గడుపుతున్నారు. సెల్ఫీలు దిగడం, చాటింగ్ ఇతర వాటికి ఎక్కువ సమయమిస్తున్నారు. ఫలితంగా సమయం వృథా అవుతోంది. వీటికి ఈ ఏడాది కాస్త దూరంగా ఉండటానికి ప్రయత్నం చేయండి.
సామాజిక సేవా కార్యక్రమాలు:
సామాజిక సేవా కార్యక్రమాల్లో పాల్గొనండి. వాటి వల్ల మీపై మీకు ఆత్మవిశ్వాసం పెరుగుతుంది. మంచి చేస్తున్నామనే భావన మీకు ధైర్యాన్ని ఇస్తుంది.
వ్యాయామం చేయండి:
మన శరీరం ఫిట్గా ఉంటే...మన ఆలోచనలు కూడా కరెక్ట్గా ఉంటాయి. అందుకే ఈ సంవత్సరం నుంచి వ్యాయమం మొదలుపెట్టండి. ఫిట్గా ఉండండి. ఆనందాన్ని పంచండి.
ఇదీ చూడండి: భారత తొలి సీడీఎస్గా బిపిన్ రావత్ నియామకం
