నగరంలో ఆధార్​ సేవా తొలి కేంద్రం ప్రారంభం...

నగర ప్రజలకు యూఐడీఏఐ సేవా కేంద్రం అందుబాటులోకి వచ్చింది. హైదరాబాద్​ మాదాపూర్​లో ఈ కొత్త ఆధార్​ సేవాకేంద్రం ప్రారంభమైంది. రోజూ సుమారు వెయ్యికిపైగా కార్డులను నమోదు చేసేందుకు సౌకర్యాలు చేసినట్లు అధికారులు వెల్లడించారు.

హైదరాబాద్‌ మాదాపూర్‌ ప్రాంతంలో మొట్టమొద‌టిసారిగా భారత విశిష్ట గుర్తింపు ప్రాధికార సంస్థ (యూఐడీఏఐ)... తమ సేవా కేంద్రాన్ని ప్రారంభించింది. మాదాపూర్‌ రిలయన్స్ సైబర్ విల్లాలో ఈ సేవా కేంద్రం ఏర్పాటు చేసినట్లు యూఐడీఏఐ తెలంగాణ రాష్ట్ర సహాయ డైరెక్టర్‌ జనరల్‌ ఎన్‌ఎస్‌ దీపు తెలిపారు.

స్వయంగా యూఐడీఏఐ నిర్వహిస్తున్న ఈ సంస్థలో రోజూ వెయ్యి ఆధార్‌ కార్డుల నమోదుకు వీలుగా సౌకర్యాలు ఉన్నాయన్నారు. కొత్త ఆధార్ న‌మోదుతో పాటు మార్పులు, చేర్పులు కూడా చేసుకోవచ్చని వివరించారు. పేరు, చిరునామా, పుట్టిన తేది, జెండ‌ర్‌, మొబైల్ నెంబ‌ర్‌, ఈ-మెయిల్ తదితర వివరాలు మార్చుకోవచ్చని స్పష్టం చేశారు. బ‌యోమెట్రిక్స్ సంబంధించి ఫోటో, వేలి ముద్రలు, క‌నుపాపలు అప్‌డేట్‌ కూడా చేసుకోవ‌చ్చని దీపు తెలిపారు.

ఇది చదవండి: బాంబు పేలి టాలీవుడ్ హీరో సందీప్​ కిషన్​కు గాయాలు