ఏపీ మాజీ మంత్రి, కాపు ఉద్యమ నేత ముద్రగడ పద్మనాభం సంచలన నిర్ణయం తీసుకున్నారు. ఉద్యమం నుంచి పూర్తిగా వైదొలుగుతున్నట్లు ప్రకటించారు. ఈ మేరకు కాపు సోదరులకు బహిరంగ లేఖ రాశారు. ఇటీవల కొందరు సామాజిక మాధ్యమాల ద్వారా తనపై దాడులు చేస్తున్నారని లేఖలో పేర్కొన్నారు.
ఈ ఉద్యమం ద్వారా డబ్బు, పదవులు పొందాలనుకోలేదని ముద్రగడ స్పష్టం చేశారు. ఆర్థికంగా, రాజకీయంగా, ఆరోగ్య పరంగా చాలా నష్టపోయానని.. అందుకు ఏనాడూ చింతించలేదని చెప్పారు. అయినా కూడా కొందరు స్వార్థపరులు తనపై లేనిపోని ఆరోపణలు చేస్తున్నారని.. అందుకే ఈ నిర్ణయం తీసుకున్నట్లు వెల్లడించారు.
ఇదీ చూడండి:బంగాల్ భాజపా ఎమ్మెల్యే ఆత్మహత్య?
