ప్రముఖ రచయిత్రి, సీనియర్ నటుడు చంద్రమోహన్ సతీమణి జలంధర చంద్రమోహన్కు వాసిరెడ్డి సీతాదేవి జీవిత సాఫల్య పురస్కారం దక్కింది. 2019 సంవత్సరానికి గాను వంశీ ఇంటర్నేషనల్ సంస్థ జలంధరను ఈ పురస్కారంతో సత్కరించింది. హైదరాబాద్ ఫిల్మ్నగర్లోని కళాతపస్వి కె. విశ్వనాథ్ నివాసంలో జరిగిన ఈ కార్యక్రమంలో జలంధరకు విశ్వనాథ్ వాసిరెడ్డి జీవిత సాఫల్య పురస్కారాన్ని ప్రదానం చేశారు. అనంతరం చంద్రమోహన్ దంపతులను సత్కరించిన విశ్వనాథ్... సోదరుడిగా భావించే చంద్రమోహన్తో తన అనుబంధాన్ని గుర్తుచేసుకున్నారు. తమ కుటుంబ సభ్యుల్లో ఒకరైన విశ్వనాథ్ సమక్షంలో వాసిరెడ్డి సీతాదేవి జీవిత సాఫల్య పురస్కారం అందుకోవడం అదృష్టంగా భావిస్తున్నట్లు చంద్రమోహన్ దంపతులు ఆనందం వ్యక్తం చేశారు.
జలంధర చంద్రమోహన్కు జీవిత సాఫల్య పురస్కారం
ఇవీ చూడండి: నష్టాల్లో నడుస్తున్న డిపోలను గట్టెక్కించేందుకు..'డిపోల దత్తత'
