హైదరాబాద్ ఓయూ అతిథి గృహంలో జరిగిన మీడియా సమావేశంలో తెరాస ప్రభుత్వం మాదిగలకు అన్యాయం చేస్తుందని ఎమ్మార్పీస్ జాతీయ అధ్యక్షుడు మేడి పాపయ్య ఆవేదన వ్యక్తం చేశారు. రాష్ట్ర జనాభాలో 18% ఉన్న తమ జాతికి నూతన మంత్రి వర్గంలో చోటు కల్పించకపోవడం బాధాకరమని పేర్కొన్నారు. తెరాస అధికారంలోకి రావడంలో మాదిగలు కీలకపాత్ర పోషించారని గుర్తుచేశారు. గతంలో డప్పు-చెప్పుకు రెండు వేల పెన్షన్ ఇస్తానని వాగ్దానం చేశారని దానిని అమలు చేయాలని డిమాండ్ చేశారు. ఈ నెల14 వరకు ముఖ్యమంత్రికి, మంత్రులకు వినతి పత్రాలు అందచేస్తామని తెలిపారు. ఇచ్చిన వాగ్దానాలపై స్పందించకపోతే ఉద్యమాన్ని మరింత ఉద్ధృతం చేస్తామని హెచ్చరించారు.
మాదిగలకు మంత్రివర్గంలో చోటుకల్పించకపోవడం బాధాకరం
