డబ్బుల కోసం హిజ్రాల దాడులు

హైదరాబాద్​లో హిజ్రాల ఆగడాలు రోజురోజుకు మితిమీరుపోతున్నాయి. ఒంటరి వ్యక్తులను టార్గెట్ చేసి దాడులు తెగబడుతున్నారు. అందినకాడికి దోచుకుంటున్నారు. తాజాగా ఉప్పల్​లో మంగళవారం రాత్రి  ఇద్దరిపై దాడి చేసి డబ్బులు, ఏటీఎం కార్డులు గుంజుకున్నారు.

యాదాద్రి భువనగిరి జిల్లాకు చెందిన ఇతని పేరు రాంచంద్రారావు. మంగళవారం తార్నాకలో బంధువుల వివాహానికి వచ్చాడు. బంధువు కోసం హబ్సిగూడ బస్టాప్​లో వేచి చూస్తుండగా స్కూటీపై వచ్చిన హిజ్రాలు అతనిపై దాడి చేసి డబ్బులు, ఏటీఎంలు లాక్కున్నారు. ప్రతిఘటించేందుకు యత్నించిన వారిపై మూకుమ్మడి దాడి చేశారు. బాధితుడి బంధువు కారు ధ్వంసం చేశారు.

బాధితులు 100కి డయల్ చేయగా...అక్కడికి చేరుకున్న పోలీసులు హిజ్రాలను స్టేషన్​కు తరలించారు. అక్కడ కూడా నానా హంగామా చేశారు. బూతులు తిడుతూ బాధితులపై మరోసారి పోలీసుల ముందే దాడి చేశారు. అడ్డుకునేందుకు యత్నించిన రక్షకభటులను కుమ్మేశారు. బాధితుడి ఫిర్యాదుతోపాటు విధులకు ఆటంకం కలిగించినందుకు కేసు నమోదు చేశారు.
రోడ్లపై దాడులకు పాల్పడుతున్న హిజ్రాలపై కఠిన చర్యలు తీసుకోవాలని బాధితులతోపాటు నగరవాసులు కోరుతున్నారు.