Pushpa 2 Advance Booking In Hindi : బాలీవుడ్ బాక్సాఫీస్ను పుష్ప-2 షేక్ చేస్తోంది!. హిందీలో 10 గంటల వ్యవధిలోనే 55,000 టికెట్లు అమ్ముడయ్యాయి. పీవీఆర్ ఐనాక్స్, సినీపోలిస్ వంటి నేషనల్ థియేటర్ చైన్లలో రిలీజ్ రోజు ఈ టికెట్స్ అమ్ముడుపోయాయి. బాలీవుడ్ చరిత్రలో ఇంత వేగంగా టికెట్లు అమ్ముడుపోయిన అతికొద్ది సినిమాల సరసన పుష్ప-2 చేరింది. అడ్వాన్స్ బుకింగ్స్లో పుష్ప-2, యానిమల్, గదర్-2ను దాటేసింది. దేశవ్యాప్తంగా ఈ సినిమాకు ఎంత క్రేజ్ ఉందో దీన్ని బట్టే అర్థం చేసుకోవచ్చు.
కాగా, అడ్వాన్స్ బుకింగ్ పరిస్థితి నాన్ నేషనల్ థియేటర్ చైన్స్, సింగిల్ స్క్రీన్ థియేటర్లలో వేరే విధంగా ఉంది. టికెట్లు లైవ్లోకి వెళ్లాక గంటల వ్యవధిలోనే హౌజ్ఫుల్ బోర్డులు పెడుతున్నాయి సింగిల్ స్క్రీన్ థియేటర్ల యాజమాన్యాలు.
అంతేకాకుండా, బుధవారం రాత్రి వరకు 5 లక్షల టికెట్లు సోల్డ్ కావడమే లక్ష్యంగా పుష్ప-2 దూసుకెళ్తోంది. అలా 6 లక్షల మార్క్ దాటితే ఏడేళ్ల బాహుబలి-2 రికార్డ్ను పుష్పగాడు బద్దలుగొట్టడం ఖాయం. 2017లో దాదాపు 6.5 లక్షల బాహుబలి-2 మూవీ టికెట్లు అమ్ముడయ్యాయి. ఇక, మూవీమ్యాక్స్లో 12 గంటల్లో 4వేల టికెట్లు అమ్ముడుపోయాయి.
బెనిఫిట్ షోలకు గ్రీన్ సిగ్నల్
ఇదిలా ఉండగా, 'పుష్ప 2' సినిమా టికెట్ ధరలు పెంపునకు తెలంగాణ ప్రభుత్వం గ్రీన్ సిగ్నల్ ఇచ్చింది. సుకుమార్ తెరకెక్కించిన ఈ భారీ బడ్జెట్ చిత్రం డిసెంబర్ 5న గ్రాండ్గా రిలీజ్ కానుంది. ఈ నేపథ్యంలో రెండు బెనిఫిట్ షో లకు ప్రభుత్వం అనుమతించింది. డిసెంబర్ 4న రాత్రి 9.30 గంటలకు తొలి బెనిఫిట్ షోతో పాటు, అర్ధరాత్రి 1 గంటలకు రెండో షో పడనుంది. అయితే ఈ బెనిఫిట్ షోల టికెట్ ధరను రూ.800 పెంచుకునేందుకు ప్రభుత్వం వీలు కల్పించింది. దీంతో రాష్ట్రవ్యాప్తంగా సింగిల్ స్క్రీన్, మల్టీఫ్లెక్స్‌ ఏదైనా సరే ఇప్పుడున్న ధరకు అదననంగా రూ.800 చెల్లించాల్సిందే. అంటే బెనిఫిట్ షోకు టికెట్ ధర సింగిల్ స్క్రీన్స్లో సుమారు రూ. 1000, మల్టీప్లెక్స్లలో రూ.1200 పైగా అవుతోంది.
