మహబూబ్నగర్-రంగారెడ్డి-హైదరాబాద్ పట్టభద్రుల నియోజకవర్గంలో ఓటర్ల నమోదుకై అక్టోబర్ 31 వరకు 2,77,932 మంది దరఖాస్తు చేసుకున్నట్లు ఎలక్టోరల్ రిజిస్ట్రేషన్ అధికారిణి పంకజ తెలిపారు. అత్యధికంగా రంగారెడ్డి జిల్లాలో 84,695 దరఖాస్తులు రాగా.. అత్యల్పంగా నారాయణపేట జిల్లాలో 8,970 దరఖాస్తులు వచ్చినట్లు వివరించారు. మహబూబ్నగర్ జిల్లాలో 25,033, వనపర్తి జిల్లాలో 13,311, నాగర్ కర్నూల్ జిల్లాలో 24,680, జోగులాంబ గద్వాల జిల్లాలో 10,208, మేడ్చల్-మల్కాజిగిరి జిల్లాలో 55,826, వికారాబాద్ జిల్లాలో 17,350, హైదరాబాద్ జిల్లాలో 37,859 దరఖాస్తులు వచ్చాయి.
ఇప్పటి వరకు దరఖాస్తు చేసుకోని పట్టభద్రులు ఈనెల 6లోపు ఫారం-18 ద్వారా దరఖాస్తు చేసుకోవాలని పంకజ సూచించారు. ఆన్లైన్లో ఎన్నికల సంఘం వెబ్సైట్ htpp://www.ceotelangana.nic.inలో, ఆఫ్లైన్లో డిజిగ్నేటెడ్ అధికారులకు ఫారం-18 దరఖాస్తులు అందజేయవచ్చన్నారు. ఇప్పటి వరకు దరఖాస్తు చేసుకున్న వాటిలో ఆన్లైన్లో 2,72,160, డిజిగ్నేటెడ్ అధికారుల ద్వారా 5,772 దరఖాస్తులు అందినట్లు వెల్లడించారు. అర్హులైన పట్టభద్రులందరూ దరఖాస్తు చేసుకునేందుకు అనువుగా 9 జిల్లాల్లో 179 మంది డిజిగ్నేటెడ్ అధికారులను నియమించినట్లు తెలిపారు.
ఇదీ చూడండి.. 'ధాన్యం కొనుగోలు కేంద్రాలను సద్వినియోగం చేసుకోవాలి'
