యోగా మానసిక, శారీరక ఆరోగ్యాన్ని పెంపొందిస్తుందని గవర్నర్ తమిళిసై సౌందర రాజన్ అభిప్రాయపడ్డారు. రేపు అంతర్జాతీయ యోగా దినోత్సవం సందర్భంగా గవర్నర్.. ప్రజలకు శుభాకాంక్షలు తెలియజేశారు. యోగా.. భారతీయ అత్యంత పురాతన వారసత్వ సంపదగా గవర్నర్ అభివర్ణించారు.
కరోనా మహమ్మారి మానవాళికి కంటి మీద కునుకు లేకుండా చేస్తున్న తరుణంలో... వ్యాధి నిరోధక శక్తిని పెంచుకునేందుకు యోగా మంచిమార్గమని తమిళిసై సూచించారు. 'యోగా ఫర్ వెల్బీయింగ్' అనే థీమ్తో ఈ ఏడాది యోగా దినోత్సవాన్ని నిర్వహిస్తున్నట్టు గవర్నర్ తెలిపారు. కొవిడ్ నిబంధనలు పాటిస్తూ యోగా దినోత్సవాన్ని నిర్వహించుకోవాలని పిలుపునిచ్చారు.
ఇదీ చదవండి: వరంగల్‌ పర్యటనలో కడియం శ్రీహరి ఆతిథ్యం తీసుకోనున్న సీఎం కేసీఆర్‌
