Novak Djokovic Australian Open 2025 : సెర్బియా టెన్నిస్ దిగ్గజం నొవాక్‌ జకోవిచ్ను గాయం ఇబ్బంది పెట్టింది. దీంతో కెరీర్‌లో 25వ గ్రాండ్‌స్లామ్‌ను నెగ్గాలనే లక్ష్యం నిరాశగానే మిగిలింది. తాజాగా జరిగిన ఆస్ట్రేలియన్ ఓపెన్ 2025లో జరిగిన ఈ ఘటన జకోవిచ్ అభిమానులను కలచివేసింది. తాజాగా జరిగిన సెమీస్‌లో అలెగ్జాండర్ జ్వెరెవ్‌తో జరిగిన మ్యాచ్‌లో తొలి సెట్‌ తర్వాత జకోవిచ్ వాకోవర్ ఇచ్చేశాడు. అయితే గాయం కారణంగానే అతడు ఈ నిర్ణయాన్ని తీసుకొన్నట్లు వెల్లడించి, తన అభిమానులకు అభివాదం చేస్తూనే కోర్టు నుంచి బయటకు వెళ్లిపోయాడు.
జకోవిచ్ చేసిన ఈ పనితో స్టేడియంలోని వారంతా ఒక్కసారిగా షాకయ్యారు. అయితే జకోవిచ్ వైదొలగడం వల్ల జర్మనీ స్టార్ జ్వెరెవ్ ఆస్ట్రేలియన్ ఓపెన్ ఫైనల్‌కు చేరుకున్నాడు. శుక్రవారం జరగనున్న రెండో సెమీస్‌లో విజేతగా నిలవనున్న ప్లేయర్తో జ్వెరెవ్ టైటిల్‌ కోసం పోరాడనున్నాడు.
ఇక ఇటలీకి చెందిన డిఫెండింగ్ ఛాంపియన్‌ సినర్‌తో అమెరికా స్టార్ బెన్ షెల్టన్ మరో సెమీస్‌లో తలపడనున్నాడు. ఆదివారం ఆస్ట్రేలియా ఓపెన్ ఫైనల్‌ జరగనుంది.
Not how we wanted your campaign to end, @djokernole.
— #AusOpen (@AustralianOpen) January 24, 2025
Thank you for another wonderful Australian summer. Well played and best wishes for a speedy recovery.#AO2025 pic.twitter.com/d5VJ6YNBeN
తొలి సెట్‌ ఎలా సాగిందంటే?
తొలి సెమీస్‌ ఎంతో హోరా హోరీగా సాగింది. ఇద్దరూ స్టార్స్ ఒకరికొకరు గట్టిపోటీ ఇచ్చుకుంటూ ఓ వైపు గాయం బాధ పెడుతున్నప్పటికీ, జకోవిచ్ ఏమాత్రం పట్టువదల్లేదు. అయితే జ్వెరెవ్ కూడా దూకుడుగానే ఆడాడు. సుమారు గంట 21 నిమిషాల పాటు సాగిన తొలి సెట్‌ను 7-6 (7/5) తేడాతో జ్వెరెవ్ సొంతం చేసుకున్నాడు. ఇక ఒక్కో పాయింట్‌ కోసం ఇద్దరు తీవ్రంగా పోరాడుతూ ఒకరి సర్వీస్‌ను మరొకరు బ్రేక్‌ చేసుకుంటూ గేమ్ను సాగించారు. కానీ చివరికి జ్వెరెవ్దే పైచేయిగా నిలిచింది. దీంతో మొదటి సెట్‌ ముగియగానే జకోవిచ్ మ్యాచ్ నుంచి వైదొలిగి అందరినీ షాక్కు గురిచేశాడు.
ఇటీవలే త‌న‌పై విష‌ప్ర‌యోగం జ‌రిగిన‌ట్లు తెలిపాడు. 2022లో మెల్బోర్న్లోని ఓ హోట‌ల్లో త‌న‌కు విష‌పూరిత ఆహారం ఇచ్చిన‌ట్లు పేర్కొన్నాడు. సీసం, పాద‌ర‌సం క‌లిసి ఉన్న ఆహారాన్ని ఇచ్చి త‌న‌ను ఇబ్బందిపెట్టిన‌ట్లు వెల్లడించాడు.
ప్రేక్షకులపై జకోవిచ్ ఫైర్ - ఇంటర్వ్యూ మధ్యలో నుంచే జంప్! - Novak Djokovic Fire on Audience
