ముషీరాబాద్​లో వరద బాధితుల ఆందోళన

తమకు వరద సాయం అందలేదంటూహైదరాబాద్​ ముషీరాబాద్ డివిజన్​లో బాధితులు ఆందోళన బాట పట్టారు. ప్రభుత్వానికి వ్యతిరేకంగా నినాదాలు చేస్తూ ముషీరాబాద్ పార్కు వద్ద భారీ నిరసన చేపట్టారు. ప్రభుత్వ ఆర్థిక సాయం అందేవరకు పోరాటం చేస్తామని భాజపా నాయకులు మద్దతు ప్రకటించారు.

హైదరాబాద్​లో వరదసాయం అందలేదంటూ ప్రజలు పెద్దఎత్తున ఆందోళనలకు దిగుతున్నారు. ముషీరాబాద్ డివిజన్​లోని పలు కాలనీల ప్రజలు పార్కు వద్ద భారీ ఆందోళన చేపట్టారు. తెరాస నాయకులు పక్షపాతంగా వ్యవహరిస్తున్నారని స్థానికులు వాపోయారు. నిత్యావసరాలు వరద నీటిలో మునిగిపోయి తీవ్ర ఇబ్బందులు పడుతున్నామని ఓ వృద్ధురాలు ఆవేదన వ్యక్తం చేసింది.

వరద బాధితులు చేపట్టిన ఆందోళనకు ముషీరాబాద్ డివిజన్​ భాజపా నాయకులు మద్దతుగా నిలిచారు. ప్రభుత్వం నుంచి సాయం అందేవరకు పోరాటం కొనసాగిస్తామని భాజపా డివిజన్ కో కన్వీనర్ నవీన్ గౌడ్ తెలిపారు.

ఇదీ చూడండి:మెరుగవుతున్న మెట్రోయానం.. పెరుగుతున్న ప్రయాణికుల శాతం