భాగ్యనగరంలోని దుర్గం చెరువుపై ప్రతిష్ఠాత్మకంగా నిర్మించిన తీగల వంతెనను ఈనెల 19న ప్రారంభించనున్నట్లు జీహెచ్‌ఎంసీ బుధవారం స్పష్టం చేసింది. 20 శతాబ్దపు చిహ్నంగా నిలిచే ఈ వారధితో 5.5 కి.మీ. సాఫీ రోడ్డు అందుబాటులోకి రానుంది. దీంతోపాటు కొత్తగా నిర్మించిన 1.8 కి.మీ. పొడవైన జూబ్లీహిల్స్‌ రోడ్డు నెం.45 పైవంతెన సేవలు అందుబాటులోకి వస్తాయి.
ఫలితంగా రోడ్డు నెం.45 ఫ్లైఓవర్‌ ఎక్కిన వాహనదారుడు కి.మీ. పొడవైన తీగల వంతెన, మైండ్‌స్పేస్‌ కూడలి పైవంతెనల మీదుగా రయ్‌మని మీనాక్షి కూడలి చేరుకోవచ్చు. పక్కనే ఉన్న శిల్పా లేఅవుట్‌లో మొదలైన పైవంతెన పనులు పూర్తయితే వాహనదారులు కేబీఆర్‌ పార్కు నుంచి తీగల వంతెన మీదుగా నిమిషాల వ్యవధిలో గచ్చిబౌలి రింగురోడ్డు చేరుకోవచ్చు.
ఇదీ చూడండి: వైద్యశాఖలో త్వరలో 11 వేల నియామకాలు: మంత్రి ఈటల
