రాహుల్​ పుట్టినరోజు... సికింద్రాబాద్​లో పేదలకు దుప్పట్లు

ఏఐసీసీ మాజీ అధ్యక్షుడు, కాంగ్రెస్​ ఎంపీ రాహుల్ గాంధీ జన్మదినోత్సవంలో భాగంగా సికింద్రాబాద్​ మదర్ థెరిసా విగ్రహం వద్ద కాంగ్రెస్​ నేతలు పేదలకు దుప్పట్లను పంపిణీ చేశాయి. ఏఐసీసీ పిలుపు మేరకు ఈ కార్యక్రమం చేపట్టినట్లు కాంగ్రెస్ షెడ్యూల్ తెగల విభాగం కార్యదర్శి మహేశ్​ తెలిపారు.

అఖిల భారత కాంగ్రెస్​ కమిటీ మాజీ అధ్యక్షుడు, ఎంపీ రాహుల్​ గాంధీ పుట్టినరోజు వేడుకలను సికింద్రాబాద్​లో కాంగ్రెస్​ నేతలు ఘనంగా నిర్వహించారు. వేడుకల్లో భాగంగా కాంగ్రెస్ పార్టీ షెడ్యూల్ తెగల విభాగం ఆధ్వర్యంలో స్థానిక మదర్​ థెరిసా విగ్రహం వద్ద పేదలకు దుప్పట్లు పంచి పెట్టారు.

కరోనా ఆపత్కాలంలో పేదలకు దుప్పట్లతో పాటు మాస్కులను సైతం అందజేసినట్లు కాంగ్రెస్ షెడ్యూల్ తెగల విభాగం కార్యదర్శి మహేశ్​ తెలిపారు. తెలంగాణ సర్కారు కొవిడ్​-19 టెస్టులు సరిగా చేయడం లేదని విమర్శించారు. రాహుల్ గాంధీ భావి భారత ప్రధాని అవుతారని ఆయన ఆశాభావం వ్యక్తం చేశారు.

ఇదీ చూడండి : బొమ్మను వివాహం చేసుకున్న యువకుడు.. కారణం ఇదే!