DGP LEAVE: ఆరోగ్య కారణాలతో డీజీపీ సెలవు.. ఇన్​ఛార్జీగా అంజనీకుమార్​

DGP LEAVE: రాష్ట్ర డీజీపీ మహేందర్​రెడ్డి సెలవులో ఉన్నారు. ఆరోగ్య కారణాల రీత్యా ఫిబ్రవరి 18 నుంచి రెండు వారాల పాటు సెలవు పెట్టారు. అప్పటి వరకూ ఏసీబీ డీజీగా ఉన్న అంజనీకుమార్​ పూర్తి అదనపు బాధ్యతలను చేపట్టనున్నారు.

DGP LEAVE: రాష్ట్ర డీజీపీ మహేందర్ రెడ్డి.. రెండు వారాల పాటు మెడికల్ లీవ్ తీసుకున్నారు. ఫిబ్రవరి 18 నుంచి మార్చి 4 వరకు మహేందర్ రెడ్డి సెలవులో ఉంటారు. అప్పటి వరకూ ప్రస్తుతం ఏసీబీ డీజీగా ఉన్న అంజనీకుమార్​ను డీజీపీగా నియమిస్తూ ప్రభుత్వం ఉత్తర్వులు జారీ చేసింది. ఆయన వచ్చేవరకు పూర్తి అదనపు బాధ్యతలను అంజనీకుమార్ చేపట్టనున్నట్లు ప్రభుత్వ ప్రధాన కార్యదర్శి సోమేశ్ కుమార్ ప్రకటన విడుదల చేశారు.