వచ్చే ఆర్థిక సంవత్సరానికి రూ.1,82,914 కోట్ల రూపాయల అంచనా వ్యయంతో భారీ బడ్జెట్‌ను రాష్ట్ర ప్రభుత్వం ప్రవేశపెట్టింది. అందులో రూ.35,500 కోట్లు రుణాల ద్వారా సమీకరించుకోవాలని ప్రతిపాదించింది. అందులో బహిరంగ మార్కెట్ రుణాలు రూ.34,000 కోట్లు. కేంద్రం నుంచి రూ.400 కోట్లు, ఫ్లోటింగ్ అప్పు రూ.100 కోట్లతో పాటు ఇతర రుణాలు మరో రూ.వెయ్యి కోట్లు ఉన్నాయి.
వడ్డీ చెల్లింపుల కోసం..
వడ్డీ చెల్లింపుల కోసం బడ్జెట్‌లో రూ.14,625 కోట్లు కేటాయించారు. బడ్జెట్ నేపథ్యంలో రాష్ట్ర అప్పుల స్థితిగతులను కూడా రాష్ట్ర ప్రభుత్వం వివరించింది.
| ఆర్థిక సంవత్సరం | అప్పులు (కోట్లలో) | జీఎస్డీపీ శాతం |
| 2017-18 | రూ.1,52,190కోట్లు | 20.21 |
| 2018-19 | రూ.1,75,281 కోట్లు | 20.25 |
అప్పుల విషయంలో ఆందోళన వద్దు
2019-20 ఆర్థిక సంవత్సరానికి సవరించిన బడ్జెట్ అంచనాల ప్రకారం అప్పులు రూ.1,99,215కోట్లు. ఇది జీఎస్డీపీలో 20.55శాతం. 2020-21 బడ్జెట్ అంచనాల ప్రకారం అప్పుల విలువ రూ.2,29,205 కోట్లు. ఇది జీఎస్డీపీలో 20.74శాతం.
| అప్పుల వివరాలు | వాటి విలువ (కోట్లలో) |
| బహిరంగ రుణాలు | రూ.1,87,606 |
| కేంద్ర ప్రభుత్వ అప్పులు | రూ.8,682 |
| స్వతంత్ర సంస్థల రుణాలు | రూ.13,961 |
| పొదుపు పథకాల అప్పులు | రూ.18,954 |
అయితే అప్పుల విషయంలో ఆందోళన చెందాల్సిన అవసరం లేదని, పరిమితులకు లోబడే రాష్ట్ర అప్పులున్నట్లు ఇటీవల కేంద్ర ప్రభుత్వం ప్రకటించిన విషయాన్ని రాష్ట్ర ప్రభుత్వం గుర్తుచేసింది.
గ్యారంటీల మొత్తం..
ప్రభుత్వ అప్పులకు అదనంగా రాష్ట్ర ప్రభుత్వం వివిధ సంస్థలు, కార్పొరేషన్లకు ఇచ్చిన గ్యారెంటీల మొత్తం ఈ ఏడాది మార్చి ఒకటో తేదీ వరకు రూ.89,600 కోట్లు.
| వివిధ సంస్థలు, కార్పొరేషన్లకు ఇచ్చిన గ్యారెంటీలు (రుణం) | వాటి విలువ (కోట్లలో) |
| మిషన్ భగీరథ కార్పొరేషన్ | రూ.24,021 కోట్లు |
| కాళేశ్వరం కార్పొరేషన్ | రూ.35,086 కోట్లు |
| జలవనరుల అభివృద్ధి సంస్థ | రూ.9,675కోట్లు |
| గృహనిర్మాణ సంస్థ | రూ.5,845 కోట్లు |
| పవర్ ఫైనాన్స్ కార్పొరేషన్ | రూ.3,151కోట్లు |
| గొర్రెల అభివృద్ధి సంస్థ రుణం | రూ.2,826కోట్లు |
రిస్క్ ఔట్ స్టాండింగ్..
మొత్తం గ్యారంటీల్లో రిస్క్ ఔట్ స్టాండింగ్ గ్యారంటీల అంచనా రూ.40,241కోట్లు.
| రిస్క్ ఔట్ స్టాండింగ్ | వాటి విలువ (కోట్లలో) |
| నీటిపారుదల రిస్క్ ఔట్ స్టాండింగ్ | రూ.22,380 |
| మిషన్ భగీరథ | రూ.12,010 |
| ఇతర రిస్క్ ఔట్ స్టాండింగ్ గ్యారంటీలు | రూ.5,849 |
ఇవీ చూడండి: తెలంగాణ బడ్జెట్ కేటాయింపులు ఇవే..
