ఏపీలోని తూర్పుగోదావరి జిల్లా రాజమండ్రికి చెందిన దీపుబాబు బీటెక్ మధ్యలోనే మానేశాడు. బెంగళూరులో ఉంటున్న అతను ఓ టెలికాం కంపెనీ యాడ్ చూశాడు. ఈ యాడ్ ఉపయోంగించుకుని ప్రముఖుల వద్ద డబ్బు గుంజొచ్చని పథకం వేశాడు. శాసనసభ్యులు, లోక్సభ సభ్యుల పీఏలకు ఫోన్ చేసి మీకు నచ్చిన ఫ్యాన్సీ నంబర్ కోరుకోండి.. 48 గంటల్లో పంపిస్తామని చెప్పి వేలల్లో డబ్బులు గుంజాడు. వచ్చిన సొమ్ముతో రేస్ కోర్సు మైదానాలకు వెళ్లి లక్షల్లో పందెం కాసేవాడు.
ఫిర్యాదు
నిందితుడిపై వ్యాపారి రామ్మోహన్ సైబర్ క్రైం పోలీసులకు ఫిర్యాదు చేశారు. విచారించిన పోలీసులు దీపుబాబును అరెస్ట్ చేశారు. అతని నుంచి ఆ కంపెనీ లోగోలు స్వాధీనం చేసుకున్నారు. గతంలో ఫ్యాన్సీ నంబర్లు ఇస్తానంటూ నెల్లూరు, చిత్తూరు, రంగారెడ్డి, హైదరాబాద్, మహబూబ్నగర్, కర్నూలు జిల్లాలకు చెందిన కొంత మంది ప్రజాప్రతినిధులను మోసం చేసినట్లు తెలిసింది.
ఇదీ చూడండి: ఆత్మహత్యకు యత్నించిన ఆర్టీసీ డ్రైవర్‌ శ్రీనివాస్‌రెడ్డి మృతి
