ఉస్మానియా విశ్వవిద్యాలయంలో చేపడుతున్న హరితహారం కార్యక్రమాన్ని ప్రభుత్వ ప్రధాన కార్యదర్శి సోమేశ్కుమార్ వ్యక్తిగతంగా సమీక్షించారు. అధికారులతో కలిసి వివిధ ప్రదేశాలను సందర్శించి మొక్కల పెంపకం పట్ల ఆయన సంతోషం వ్యక్తం చేశారు.
విశ్వవిద్యాలయ ఉపకులపతి నివాస ప్రాంగణంలో మొక్కలు నాటారు. ఎల్లప్పుడు పచ్చదనం ఉండేలా చర్యలు తీసుకోవాలని అధికారులను ఆదేశించారు. ఉస్మానియా చరిత్రలోనే పెద్దఎత్తున హరితహారం చేపట్టడం మొదటిసారని ఓయూ అధికారులు వెల్లడించారు. ఈ కార్యక్రమంలో పురపాలక ప్రధాన కార్యదర్శి అరవింద్కుమార్, ఇన్ఛార్జ్ వీసీ, జీహెచ్ఎంసీ కమిషనర్ లోకేశ్ కుమార్ పాల్గొన్నారు.
