విభజన రాజకీయాలు దేశానికి అవసరమా: సీఎం కేసీఆర్

విభజన రాజకీయాలు భారతదేశానికి అవసరమా అని ముఖ్యమంత్రి కేసీఆర్​ ప్రశ్నించారు. చొరబాటుదారులను అనుమతించాలని ఎవరూ చెప్పరని స్పష్టం చేశారు.

సీఏఏకు వ్యతిరేకంగా ఎవరైనా మాట్లాడితే దేశద్రోహి, పాకిస్థాన్​ ఏజెంట్​ అని విమర్శలు చేస్తున్నారని ముఖ్యమంత్రి కేసీఆర్​ మండిపడ్డారు. పౌరసత్వ సవరణ చట్టాన్ని తాము వ్యతిరేకిస్తున్నామని, తప్పు చేస్తే దేశం తమను తిరస్కరిస్తుందని స్పష్టం చేశారు.

ప్రతి ఒక్కరికి పౌరసత్వం ఉండాల్సిందేనని, చొరబాటుదారులను అనుమతించాలని ఎవరూ చెప్పరని సీఎం పేర్కొన్నారు. మెక్సిక్​ వాసులు రాకుండా అమెరికా గోడ కట్టిందని, భారత్​లో కూడా సరిహద్దు చుట్టూ గోడ కడతారా అని ప్రశ్నించారు. సీఏఏకు వ్యతిరేకంగా తమ తీర్మానాన్ని ప్రజలు ఆమోదిస్తారని ముఖ్యమంత్రి కేసీఆర్ ఆశాభావం వ్యక్తం చేశారు.

• ఇదీ చూడండి : సీఏఏకి వ్యతిరేకంగా అసెంబ్లీలో తీర్మానం