తెలంగాణ శాసనసభలో భాజపా బలం పెరిగింది. పార్టీ సభ్యుల సంఖ్య(BJP Seats in Telangana Assembly) మూడుకు చేరింది. సాధారణ ఎన్నికల్లో గోషామహల్ నియోజకవర్గం నుంచి రాజాసింగ్ ఒక్కరు మాత్రమే గెలుపొందగా... గతేడాది నవంబర్లో జరిగిన ఉపఎన్నికలో దుబ్బాక నుంచి రఘునందన్ రావు విజయం సాధించారు. తాజాగా హుజూరాబాద్ ఉపఎన్నికలో భాజపా అభ్యర్థిగా మాజీ మంత్రి ఈటల రాజేందర్ గెలుపొందారు. ఫలితంగా భాజపా శాసనసభ్యుల సంఖ్య మూడుకు చేరింది.
మొన్నటి వరకు తెరాస నుంచి శాసనసభ్యునిగా ఉన్న ఈటల రాజేందర్... ఇకనుంచి భాజపా సభ్యునిగా సభలో ప్రాతినిధ్యం వహించనున్నారు. తెరాస సభ్యుల సంఖ్య 101గా ఉంది. పార్టీకి అనుబంధంగా కొనసాగుతున్న రామగుండం ఎమ్మెల్యే కోరుకంటి చందర్, వైరా ఎమ్మెల్యే రాములు నాయక్తో పాటు నామినేటెడ్ ఎమ్మెల్యే స్టీఫెన్ సన్తో కలిపి అధికార పార్టీ బలం 104గా ఉంది. మజ్లిస్ సభ్యులు ఏడుగురు, కాంగ్రెస్ సభ్యులు ఆరుగురు సభలో ఉన్నారు.
- తెరాస - 101 +3
- మజ్లిస్ - 7
- కాంగ్రెస్ - 6
- భాజపా - 3
ఇదీ చదవండి: Naga Shaurya farm house case: పోలీస్ స్టేషన్‌కు నేడు హీరో నాగశౌర్య తండ్రి
