కల్తీ నెయ్యి తయారీ కేంద్రంపై పోలీసుల దాడి

కాదేది కల్తీకి అనర్హం... అన్నాడు ఓ మహాకవి. కల్తీరాయుళ్లు దేనిని వదలడం లేదు. మీర్​పేట్​ పీఎస్​ పరిధిలో గుట్టుచప్పుడు కాకుండా కల్తీ నెయ్యి తయారు చేస్తున్న కేంద్రంపై పోలీసులు దాడి చేశారు. ఒకరిని అదుపులోకి తీసుకోగా... మరొక నిందితుడు పరారీలో ఉన్నాడు.

హైదరాబాద్ మీర్​పేట్ పీఎస్​ పరిధిలోని రాఘవేంద్ర నగర్ కాలనీలో కల్తీ నెయ్యి తయారీ కేంద్రంపై పోలీసులు దాడి చేశారు. గత కొంతకాలంగా గుట్టు చప్పుడు కాకుండా కల్తీ నెయ్యి తయారు చేస్తున్నారనే సమాచారం మేరకు మీర్​పేట్ పోలీసులు దాడి చేశారు.

ఒకరిని అదుపులోకి తీసుకున్న పోలీసులు... సుమారు 3.5 లక్షల విలువైన, కల్తీ నెయ్యి, తయారీ సామాగ్రిని స్వాధీనం చేసుకున్నారు. కేసు నమోదు చేసుకున్న పోలీసులు పరారీలో ఉన్న నిర్వహకుడి కోసం గాలిస్తున్నారు.

ఇవీ చూడండి: చదువు చాటున గంజాయ్‌... సరఫరా, వినియోగంలో విద్యార్థులు ముందు!