Regina participated in the Green India Challenge: ఇప్పటికే కోట్ల హృదయాలను కదిలించిన గ్రీన్ ఇండియా ప్రోగ్రాం ఇటు టాలీవుడ్తో పాటు బాలీవుడ్, కోలీవుడ్ ప్రముఖులు ఈ కార్యక్రమంలో పాల్గొంటున్నారు. ఇప్పుడు తాజాగా టాలీవుడ్ యువ కథానాయిక రెజీనా ఈ ఛాలెంజ్ని స్వీకరించింది. తన సహ నటి ప్రగ్నాజైస్వాల్ సవాల్ని స్వీకరించిన రెజీనా తన తాజా చిత్రం శాకిని డాకిని చిత్ర నిర్మాత సునీతతో కలిసి రాక్ హైట్స్లో మెుక్కలు నాటారు. ఈ ఉద్యమంలో భాగస్వామిగా ఉండటం చాలా సంతోషంగా ఉందని ఆమె అన్నారు. ఈ హరిత ఉద్యమం ఎంతో ఉద్ధృతంగా సాగుతుండటం చాలా గర్వకారణంగా ఉందని అభిప్రాయం వ్యక్తం చేశారు. అలాగే నివేదా థామస్ను గ్రీన్ ఇండియా ఛాలెజ్ తీసుకోవాల్సిందిగా రెజీనా సవాల్ విసిరారు.
ఈ కార్యక్రమం చాలా స్పూర్తిదాయకమని ఎందరో ప్రముఖులను కదిలిస్తోందని శాకిని డాకిని చిత్ర నిర్మాత సునీత అన్నారు. ఈరోజు నాకు చాలా ఇష్టమైన వేప, పారిజాతం మెక్కలు ఇక్కడ నాటడం చాలా సంతోషంగా ఉందని ఆమె పేర్కొన్నారు. అలాగే ఈ గ్రీన్ ఇండియా ఛాలెంజ్ను దొంగలు ఉన్నారు జాగ్రత్త సినిమా హీరో శ్రీసింహా, కీరవాణి తనయుడు కాలబైరవులను తీసుకోవాల్సిందిగా ఆమె కోరారు.
ఇప్పటికే ఈ ఛాలెంజ్ను ఇటు టాలీవుడ్ ప్రముఖులతో పాటుగా బాలీవుడ్లో అమిర్ఖాన్, బిగ్బీ అమిత్బచ్చన్ లాంటి ఎందరో ప్రముఖులు ఈ కార్యక్రమంలో భాగస్వామ్యులు అయ్యారు. అంతే కాకుండా ఎందరో రాజకీయ నాయకులు సైతం ఇందులో పాల్గొన్నారు.
ఇవీ చదవండి:
