AAP celebrations in hyderabad: దిల్లీ మున్సిపల్ కార్పొరేషన్ (ఎంసీడీ) ఎన్నికల్లో విజయంతో ఆప్ శ్రేణులు హైదరాబాద్లో సంబరాలు జరుపుకున్నారు. లిబర్టీలోని తెలంగాణ ఆమ్ ఆద్మీ పార్టీ కార్యాలయం వద్ద స్వీట్లు తినిపించుకున్నారు. భాజపా పార్టీ ఎన్ని కుట్రలు చేసిన దిల్లీ ప్రజలు ఆప్ వైపే ఉన్నారని తెలంగాణ ఆమ్ ఆద్మీ పార్టీ నాయకులు అన్నారు. రానున్న ఎన్నికల్లో తెలంగాణలో కూడా విజయం సాధిస్తామన్నారు.
దిల్లీ మున్సిపల్ ఎన్నికల్లో భాజపాకు పరాజయం తప్పదని ఎగ్జిట్ పోల్స్ వేసిన అంచనాకు తగ్గట్లుగానే ఆప్ గట్టిగానే పోటీనిచ్చింది. మొత్తం 250 వార్డుల్లో 133 స్థానాల్లో గెలుపొంది మేయర్‌ సీటు దక్కించుకుంది. గత దశాబ్దన్నర కాలంగా మున్సిపల్ ఎన్నికల్లో భాజపానే విజయం సాధిస్తూ వచ్చింది. ఈ గెలుపుతో ఆప్ కార్యకర్తలు సంబురాల్లో మునిగిపోయారు.
ఇవీ చదవండి :
