భద్రాద్రి కొత్తగూడెం జిల్లా భద్రాచలంలో పోలీసులు భారీ ఎత్తున గంజాయి స్వాధీనం చేసుకున్నారు. ఈ రోజు నిర్వహించిన తనిఖీల్లో అక్రమంగా తరలిస్తున్న 1,415 కేజీల గంజాయిని పట్టుకున్నారు. ఆంధ్రప్రదేశ్ నుంచి భద్రాచలం మీదుగా హైదరాబాద్ కు తరలిస్తుండగా పోలీసులు పట్టుకున్నారు. కర్ణాటక, విశాఖపట్నం, హైదరాబాద్ కు చెందిన ఐదుగురు వ్యక్తులను అరెస్టు చేశారు.
2 వ్యాన్లతో సహా సుమారు రూ. 2 కోట్ల విలువ గల గంజాయిని స్వాధీనం చేసుకున్నట్లు భద్రాచలం ఏఎస్పీ రాజేశ్ చంద్ర తెలిపారు. ఆగస్టు, సెప్టెంబర్ నెలల్లో సుమారు 20కి పైగా గంజాయి కేసులు నమోదైనట్లు తెలిపారు. అక్రమ తరలింపులకు పాల్పపడితే కఠిన చర్యలు తీసుకుంటామని హెచ్చరించారు.
