తహసీల్దార్​పై రైతుల ఆగ్రహం..

భద్రాద్రి జిల్లా బూర్గంపాడులో రైతులకు, తహసీల్దార్​కు మధ్య ఇసుక వివాదం రాజుకుంటోంది. అధికారులు ఇబ్బందులకు గురిచేస్తున్నారంటూ రైతులు ఎమ్మెల్యే రేగా కాంతారావుకు ఫిర్యాదు చేశారు.

భద్రాద్రి కొత్తగూడెం జిల్లా బూర్గంపాడు మండలంలో ఇసుక వివాదం రాజుకుంటోంది. కొందరు రైతులు ఎడ్ల బండ్లతో ఇసుక రవాణా చేశారంటూ ఆయా బండ్లను పోలీస్​స్టేషన్​కు తరలించారు తహసీల్దార్​. బండికి రూ.5000 జరిమానా చెల్లించాలని స్పష్టం చేశారు. ఎమ్మార్వోపై ఆగ్రహం వ్యక్తం చేసిన రైతులు.. ఎద్దులను తీసుకొచ్చి తహసీల్దార్​ కార్యాలయ ప్రాంగణంలో కట్టేశారు. తక్కువ ధరకే ఇసుక పంపిణీ చేస్తున్నామంటూ తమను ఇబ్బంది పెట్టడం సరికాదన్నారు. ఆ సమయంలో అక్కడికి చేరుకున్న ఎమ్మెల్యే రేగా కాంతారావుకు రైతులు ఫిర్యాదు చేశారు.

ఇవీచూడండి: రేపు మద్యం దుకాణాలకు లాటరీ...