భద్రాద్రి రామయ్య సన్నిధిలో చల్లని మజ్జిగ పంపిణీ

వేసవి కాలంలో దేవుని దర్శనానికి వెళ్తున్న వారు ఎండ తీవ్రతకు తీవ్ర ఇబ్బందులు పడుతుంటారు. సుదూర ప్రాంతాల నుంచి  భద్రాద్రి  రామయ్య దర్శనార్ధం వచ్చే  భక్తులకు ఆలయ సిబ్బంది కొత్త ఏర్పాటు చేశారు.

భద్రాద్రి సీతారాముల ఆలయంలో భక్తులకు ఉచితమజ్జిగ పంపిణీ చేపట్టారు. ఆలయ ఈవో తాళ్లూరి రమేష్ బాబు కార్యక్రమాన్ని ప్రారంభించారు. రోజూ ఉదయం 8 గంటల నుంచి మధ్యాహ్నం ఒంటి గంట వరకు భక్తులకు మజ్జిగ వితరణ చేస్తారు.

రెండేళ్ల కిందట ప్రారంభమైంది

రెండేళ్ల కిందట అప్పటి ఆలయ ఈవో ప్రభాకర్ శ్రీనివాస్ ఈ కార్యక్రమానికి శ్రీకారం చుట్టారు. అప్పటి నుంచి ఏటా వేసవికాలంలో ఈ కార్యక్రమం వల్ల భక్తులకు చల్లని మజ్జిగ లభించి ఎండ నుంచి ఉపసమనం పొందుతున్నారు.

ఇదీ చదవండి:ఉపాధ్యాయ ఎమ్మెల్సీగా యూటీఎఫ్​ అభ్యర్థి విజయం