వీధి దీపాలు వెలిగిస్తూ స్తంభంపైనే కుప్పకూలాడు

వీధి దీపాలు వెలిగించే సమయంలో విద్యుదాఘాతం సంభవించి స్తంభం పైనే ఓ వ్యక్తి కుప్పకూలాడు. ఈ ఘటన ఆదిలాబాద్ జిల్లా గుంజాలలో చోటుచేసుకుంది.

ఆదిలాబాద్​ జిల్లా భీంపూర్ ​మండలం గుంజాలలో పంచాయతీలో హెల్పర్​గా రాజు పనిచేస్తున్నాడు. గ్రామంలో వీధి దీపాలు బిగించడానికి ట్రాన్స్​ఫార్మర్స్ ఎక్కాడు. స్ట్రీట్​లైట్స్​ వెలిగిస్తున్న సమయంలో ఒక్కసారిగా విద్యుత్ సరఫరా కావడం వల్ల అతను అచేతనంగా పడి ఉన్నాడు.

గ్రామస్థులు విద్యుత్​ సరఫరాను నిలిపివేసి నిచ్చెన సహాయంతో రాజును కిందికి దించారు. సమయానికి గమనించడం వల్ల రాజుకు ప్రాణాపాయం తప్పిందని చుట్టుపక్కల వాళ్లు ఊపిరిపీల్చుకున్నారు. గాయపడిన రాజును ఆదిలాబాద్​ రిమ్స్​ ఆసుపత్రికి తరలించారు.

ఇవీ చూడండి: రాష్ట్రంలో పెరిగిపోయిన రిజిస్ట్రేషన్ల స్లాట్ బుకింగ్