చనకా-కోర్ట బ్యారేజీని సందర్శించిన ఎంపీ సోయం

ఆదిలాబాద్​ జిల్లాలోని చనకా-కోర్ట బ్యారేజీని భాజపా శ్రేణులతో కలిసి ఎంపీ సోయం బాపూరావు సందర్శించారు. ప్రాజెక్టు పనులను త్వరగా పూర్తి చేయాలని ప్రభుత్వాన్ని డిమాండ్​ చేశారు.

తెలంగాణ-మహారాష్ట్ర సరిహద్దున గల పెన్‌గంగా నదిపై నిర్మిస్తున్న ఆదిలాబాద్‌ జిల్లాలోని చనకా-కోర్ట బ్యారేజీని ఎంపీ సోయం బాపూరావు భాజపా శ్రేణులతో కలిసి సందర్శించారు. అసంపూర్తిగా ఉన్న పనులను చూసి ప్రభుత్వ తీరును దుయ్యబట్టారు.

ఈ సందర్భంగా బ్యారేజీ నిర్మాణం విషయమై గతంలో ముఖ్యమంత్రి కేసీఆర్‌ చేసిన వ్యాఖ్యలను సోయం గుర్తుచేశారు. ఉద్దేశ పూర్వకంగానే ప్రభుత్వం ఆదిలాబాద్‌ జిల్లాపై చిన్నచూపు చూస్తోందని మండిపడ్డారు. ఇప్పటికైనా సీఎం కేసీఆర్​ ప్రత్యేక శ్రద్ధ వహించి.. బ్యారేజీ వనులను త్వరితగతిన పూర్తి చేయాలని ఆయన డిమాండ్​ చేశారు.