ఉద్రిక్తతకు దారితీసిన డిపో ముట్టడి

ఆదిలాబాద్​లో ఆర్టీసీ కార్మికులు చేపట్టిన డిపో ముట్టడి కార్యక్రమం ఉద్రిక్తతకు దారితీసింది. ఆందోళనకారులను పోలీసులు అరెస్టు చేశారు.

ఆదిలాబాద్ జిల్లా కేంద్రంలో ఆర్టీసీ కార్మికులు చేపట్టిన డిపో ముట్టడి కార్యక్రమం ఉద్రిక్తతకు దారితీసింది. సుందరయ్య భవన్ నుంచి డిపో వైపు ర్యాలీగా వచ్చిన కార్మికులను పోలీసులు అడ్డుకున్నారు. ఈ నేపథ్యంలో కార్మికులకు పోలీసులకు మధ్య తోపులాట జరిగింది. ఈ ఘటనలో ఓ మహిళా కండక్టర్​కు స్వల్ప గాయాలయ్యాయి. పోలీసులు కార్మికులను అరెస్టు చేసి, పోలీస్ స్టేషన్​కు తరలించారు. ఆందోళనలు చెలరేగకుండా డీఎస్పీ వెంకటేశ్వరరావు ఆధ్వర్యంలో భద్రత చర్యలు చేపట్టారు.

ఇవీ చూడండి: 'తక్షణమే ప్రభుత్వం చర్చలకు ఆహ్వానించాలి'