ఆదిలాబాద్ జిల్లాలో దివ్యాంగులకు అవసరమైన కృత్రిమ అవయవాల పంపిణీ కార్యక్రమాన్ని నిర్వహించారు. గురుదేవ ఛారిటబుల్ ట్రస్ట్ ఆధ్వర్యంలో వీల్‌ఛైర్లు, మూడు చక్రాల సైకిళ్లు, వినికిడి యంత్రాలను వారికి అందించారు. జిల్లా నలుమూలల నుంచి దివ్యాంగులు తరలి వచ్చారు.
ఈ కార్యక్రమానికి చిన జీయరు స్వామిజీ ముఖ్యఅతిథిగా హాజరై దివ్యాంగులకు కృత్రిమ అవయవాలను అందజేశారు. నిర్వాహకులు ఆయనకు పూర్ణకుంభంతో స్వాగతం పలికారు. కరోనాను జయించే శక్తిని మనందరం పొందాలని స్వామిజీ ప్రజలకు సూచించారు. ఈ కార్యక్రమంలో ఎమ్మెల్యే జోగు రామన్న, రామచంద్రగోపాలకృష్ణ, మఠాధిపతి యోగానంద సరస్వతి, అహోబిల జీయరుస్వామి, ట్రస్ట్ ప్రతినిధి జగదీష్ పాల్గొన్నారు.
