కరోనా కేసుల సంఖ్య రోజురోజుకి పెరుగుతోంది. ఇలాంటి తరుణంలో జాగ్రత్తలు పాటించాలనే ఉద్దేశంతో ఆదిలాబాద్‌కు చెందిన కారింగుల సుభాష్‌ ఓ ప్రయోగం చేశాడు... తన ఇంటి పరిసరాలను శుభ్రపరిచేందుకు.. బైక్ శానిటైజర్ రూపొందించి పిచికారీ చేసుకుంటున్నాడు. డీసీ మోటర్‌, నాజిల్, బ్యాటరీ, ఓ స్విచ్‌తో పాటు మీటరు వైరుని... బైక్ బ్యాటరీకి అనుసంధానం చేశాడు. అయిదులీటర్ల డబ్బాలో హైపోక్లోరైడ్‌ ద్రావణాన్ని నింపి నాజిల్‌కు కనెక్షన్‌ ఇచ్చాడు. స్విచ్‌ ఆన్‌చేయగానే... రసాయనం పిచికారీ చేసేలా తయారు చేశాడు. దీనికి కేవలం 650 రూపాయల ఖర్చయ్యిందని వివరిస్తున్నాడు.
సుభాష్‌ ఓ ప్రైవేటు అధ్యాపకుడిగా పనిచేస్తున్నాడు. వైరస్‌ వ్యాపించకుండా తయారు చేసిన బైక్ శానిటైజర్‌ని..... కొన్ని మార్పులు చేస్తే...దోమలు నివారించే ఫాగింగ్‌ యంత్రంగా పనిచేస్తుందని వివరించాడు. బయట లభించే ఫాగింగ్‌ యంత్రాల కంటే అత్యంత తక్కువ ఖర్చు అవుతుందని తెలిపాడు.
రైతులు పొలాల్లో క్రిమిసంహారక మందులు చల్లటానికి సైతం శానిటైజర్ బైక్ ఉపయోగపడుతుందని.... సుభాష్‌ పేర్కొన్నాడు.
ఇదీ చూడండి: కరోనా బాధితుల పర్యవేక్షణకు టీటా- డీఆర్డీవో ఒప్పందం
