ఇటీవలే గ్రాండ్ స్లామ్ అరంగేట్రం చేసిన భారత యువ టెస్నిస్ ఆటగాడు సుమిత్ నగల్ తాజాగా విడుదల చేసిన ఏటీపీ ర్యాంకింగ్స్లో సత్తాచాటాడు. ఏకంగా 26 స్థానాలు మెరుగుపర్చుకుని 135 ర్యాంకులో నిలిచాడు.
ఆదివారం జరిగిన బ్యూనోస్ ఎయిర్స్ ఛాలెంజర్ ట్రోఫీ పైనల్లో గెలిచి టైటిల్ సాధించాడు సుమిత్. ఫైనల్లో ఫకుండో బొగ్నిస్పై 6-4, 6-2 తేడాతో సునాయాస విజయం సాధించాడు. ఫలితంగా ఈ టైటిల్ గెలిచిన తొలి ఆసియా ఆటగాడిగా ఘనత సాధించాడు.
ఇటీవల జరిగిన యూఎస్ ఓపెన్ తొలిపోరులో టెన్నిస్ దిగ్గజం ఫెదరర్తో తలపడి వార్తల్లో నిలిచాడు సుమిత్. ఈ మ్యాచ్లో 6-4, 1-6, 2-6, 4-6 తేడాతో ఓటమిపాలయ్యాడు.
ఇవీ చూడండి.. మిక్స్డ్ రిలేలో భారత జట్టుకు ఏడో స్థానమే...
