భారత ప్రో బాక్సర్ నీరజ్ గోయత్ కారు ప్రమాదంలో గాయాలపాలయ్యాడు. ప్రాక్టీస్ ముగించుకుని ఇంటికి వెళుతున్న సమయంలో ఈ ఘటన చోటుచేసుకుంది. ఫలితంగా సౌదీలో జరిగే ప్రో బాక్సింగ్ ఛాంపియన్ షిప్ నుంచి నీరజ్ వైదొలిగాడు.
ప్రో బాక్సింగ్ ఛాంపియన్ షిప్లో భాగంగా నీరజ్ పాకిస్థాన్ సంతతి బ్రిటీష్ బాక్సర్ ఆమిర్ ఖాన్తో తలపడాల్సి ఉంది. జులై 12న జరిగే ఈ మ్యాచ్ కోసం ప్రపంచవ్యాప్తంగా అభిమానులు ఎంతో ఆత్రుతగా ఎదురుచూస్తున్నారు. తాజాగా నీరజ్ వైదలిగిన కారణంగా మరో ప్రత్యామ్యాయ ఆటగాడి కోసం నిర్వాహకులు ప్రయత్నిస్తున్నారు.
ఈ పోరు కోసం ఆమిర్, నీరజ్ మధ్య ఇప్పటికే మాటల యుద్ధం జరుగుతోంది. ప్రపంచకప్లో పాకిస్థాన్పై భారత్ గెలుపునకు ప్రతీకారం తీర్చుకుంటానని ఆమిర్ శపథం చేయగా.. ఈ మ్యాచ్లో గెలిచి భారత్ సత్తా చూపిస్తానని నీరజ్ సవాల్ విసిరాడు.
