Neeraj Chopra 90m throw : భారత జావెలిన్ త్రో ఆణిముత్యం నీరజ్ చోప్రా. ఒలింపిక్స్లో 87.58 మీటర్లు జావెలిన్ విసిరి స్వర్ణం సాధించాడు. ఇటీవల జరిగిన డైమండ్ లీగ్లోనూ అద్భుత ప్రదర్శన చేశాడు. ఇలా వరుస విజయాలతో దూసుకెళ్తున్నాడు. అయితే తదుపరి తన ఆటపై ప్రశ్నించగా 90 మీటర్ల ప్రదర్శన ఎప్పుడు జరగాలో, అప్పుడే జరుగుతుందని అన్నాడు.
ప్రశ్న: డైమండ్ లీగ్ గెలవడం మీకు మొదటిసారి. ఈ ఘనత సాధించిన మొదటి భారతీయుడిగా మీరు ఎలా ఫీల్ అవుతున్నారు?
జవాబు: మొదటి భారతీయుడిగా ఈ లీగ్ గెలవడం చాలా గొప్పగా అనిపించింది. ఎందుకంటే ప్రపంచంలోని గొప్ప గొప్ప ప్లేయర్లు ఈ లీగ్లో పాల్గొన్నారు. వారిలో ఒక్కడిగా ఉన్నందుకు, తర్వాత గెలిచినందుకు చాలా గొప్పగా ఫీల్ అయ్యాను. భారత్ నుంచి కూడా చాలా మంది ప్లేయర్లు ఈ లీగ్లో పాల్గొంటారని ఆశిస్తున్నాను. ఇది ప్రపంచ స్థాయి లీగ్. ఇందులో బాగా రాణిస్తే ఒలింపిక్స్లో, అసియా కప్లో, కామన్వెల్త్ గేమ్స్లో మంచి ప్రదర్శన చేయొచ్చు. అలా జరిగితే.. ఇప్పుడున్న భారత అథ్లెటిక్స్ పరిస్థితి మారుతుంది.
ప్రశ్న: ఒలింపిక్స్ తర్వాత ఇది మీకు మొదటి టోర్నమెంట్. మీరు కామన్వెల్త్ గేమ్స్లో కుడా పాల్గొనలేదు. మీకు గాయం ఎలా అయింది? దాని నుంచి ఎలా కోలుకున్నారు?
జవాబు: అవును, ఇది నా మొదటి టోర్నమెంట్. గాయం కారణంగా కామన్వెల్త్ గేమ్స్లో పాల్గొనలేదు. కామన్వెల్త్ గేమ్స్ ప్రారంభమయ్యే సమయానికి గాయం నొప్పి అంతగా లేదు. ప్రాక్టీస్ అంతా సజావుగానే సాగింది. కానీ చివరి నిమిషంలో పాల్గొనకూడదని నిర్ణయించుకున్నాము. ఉన్న సమయాన్ని సద్వినియోగం చేసుకుని గాయం నుంచి కోలుకున్నా.
ప్రశ్న: సెప్టెంబర్ 8న జరగనున్న జూరిచ్ డైమండ్లీగ్ ఫైనల్ పై మీరు దృష్టి సారించారు అనిపిస్తోంది. అందులో మీకేమైనా లక్ష్యాలు ఉన్నాయా?
జవాబు: అవును, ఈ సీజన్లో అదే లాస్ట్ టోర్నమెంట్. చాలా ప్లాన్స్ ఉన్నాయి. అయితే ఎక్స్ట్రా ఏదైనా చేయాలన్నా.. ఎక్కువ ట్రైనింగ్ చేయాలన్నా నా వద్ద టైం లేదు. మంచి ప్రదర్శనతో, మంచి ఆరోగ్యంతో ఈ సీజన్ ను ముగించాలనుకుంటున్నా. అందరూ 90 మీటర్ల గురించి అడుగుతున్నారు. కానీ నేను నిలకడగా ఉన్నందుకు సంతోషిస్తున్నాను. 90 మీటర్లు ఎప్పుడు జరగాలో అప్పుడు జరుగుతుంది. దాని కోసం నేను ఒత్తిడి పెంచుకోదలచుకోలేదు.
నీరజ్ చోప్రా మెరుపులు:
⦁ డైమండ్ లీగ్ గెలిచిన మొట్టమొదటి భారతీయుడు.
⦁ 89.08 మీటర్లు జావెలిన్ విసిరి అద్భుత ప్రదర్శన చేశాడు. ఇతడు చేసిన మూడు ప్రదర్శనల్లో ఇది అత్యుత్తమైనది.
⦁ టోక్యో ఒలంపిక్స్లో స్వర్ణం సాధించాడు. సెప్టెంబర్ 8న జరగనున్న జూరిచ్ డైమండ్ లీగ్ ఫైనల్లో పాల్గొననున్నాడు.
⦁ వచ్చే సంవత్సరం బుడాపెస్ట్లో జరగబోయే ప్రపంచ అథ్లెటిక్స్ ఛాంపియన్షిప్లో పాల్గొననున్నాడు.
ఇవీ చదవండి: హాంకాంగ్తో మ్యాచ్.. ఆరేళ్ల తర్వాత కోహ్లీ అలా
భారత్-హాంకాంగ్ మ్యాచ్.. స్టేడియంలో క్రికెటర్ లవ్ ప్రపోజల్
