వరుస పతకాలతో సంచలనం సృష్టిస్తోన్న భారత యువ అథ్లెట్ హిమదాస్ మరో ప్రఖ్యాత టోర్నీలో సత్తా చాటేందుకు సిద్ధమవుతోంది. సెప్టెంబర్ 27 నుంచి దోహా వేదికగా జరగనున్న ప్రపంచ అథ్లెటిక్స్ ఛాంపియన్షిప్లో ఆమె పాల్గొననుంది. మహిళల 4X400 మీటర్ల రిలే, మిక్స్డ్ విభాగంలో బరిలోకి దిగనుంది. 400మీటర్ల పోటీల్లో మాత్రం హిమదాస్ అర్హత సాధించలేదు.
తాజాగా ఈ టోర్నీ కోసం 25 మందితో జాబితాను ప్రకటించింది భారత అథ్లెటిక్స్ సమాఖ్య. తొలుత హిమదాస్ పేరు లేకపోయినా.. క్రీడాకారుల సంఖ్య పెంచుకోవచ్చని అంతర్జాతీయ అథ్లెటిక్ ఫెడరేషన్ ఆదేశాలివ్వగా తాజాగా ఈ క్రీడాకారిణికి చోటు లభించింది. హిమదాస్తో పాటు అదే విభాగాల్లో పూవమ్మ చోటు దక్కించుకుంది. 200 మీటర్లలో సుశీంత్రన్, హై జంప్లో తేజస్వినీ శంకర్ స్థానం పొందారు.
మోచేతికి శస్త్రచికిత్స చేయించుకున్న జావెలిన్‌ త్రో క్రీడాకారిణి నీరజ్ చోప్రా ఎంపికపై త్వరలో సెలక్టర్లు చర్చించనున్నారని ఏఎఫ్ఐ ప్రకటించింది. అలాగే 400మీటర్ల వ్యక్తిగత విభాగం కోసం ఈ నెల 21న స్ప్రింటర్ అంజలీ దేవికి అర్హత పోటీలు నిర్వహించనున్నారు.
జట్ల వివరాలు..
- పురుషులు: జబీర్ ఎంపీ(400 మీటర్ల హర్డిల్స్), జిన్సన్ జాన్సన్(1500 మీ), అవినాశ్ సాబ్లే(3వేల మీ స్టీపుల్చేజ్), కేటీ ఇర్ఫాన్, దేవేందర్ సింగ్(20కిమీ వాకింగ్), గోపీ(మారథాన్), శ్రీ శంకర్(లాంగ్ జంప్), తజిందర్ పాల్ సింగ్(షాట్పుట్), శివపాల్ సింగ్(జావలిన్ త్రో), అనాస్, నిర్మల్ టామ్, అలెక్స్, అమోజ్ జాకబ్, కేఎస్ జీవన్, ధరున్ అయ్యస్వామి, హర్ష కుమార్(4X400మీ వ్యక్తిగత, మిక్స్డ్).
- మహిళలు: పీయూ చిత్ర(1500 మీ), అన్ను రాణి(జావలిన్ త్రో), హిమదాస్, విశ్మయ, పూవమ్మ, జిశ్న మాథ్యూ, రేవతి, శుభ వెంకటేశన్, విత్య(4X400 మీ వ్యక్తిగత, మిక్స్డ్)
ఇదీ చదవండి...
