ఒలింపిక్స్కు అర్హత సాధించిన తమ రాష్ట్ర అథ్లెట్స్కు అండగా నిలిచేందుకు కీలక నిర్ణయం తీసుకుంది హరియాణా ప్రభుత్వం. ఆర్థికంగా వెనుకబడిన ఆటగాళ్లకు ప్రోత్సాహించేందుకు ఒక్కో ఆటగాడికి రూ.5లక్షల చొప్పున నిధులు మంజూరు చేయనున్నట్లు తెలిపింది. ముఖ్యమంత్రి మనోహర్ లాల్ ఖట్టర్ అధ్యక్షతన జరిగిన మంత్రి వర్గ సమావేశంలో ఈ నిర్ణయం తీసుకున్నారు.
దీంతోపాటు హరియాణా ఔట్స్టాండింగ్ స్పోర్ట్పర్సన్(రిక్రూమెంట్ అండ్ కండీషన్స్ ఆఫ్ సర్వీస్) రూల్స్-2018 స్థానంలో హరియాణా ఔట్స్టాండింగ్ స్పోర్ట్పర్సన్(గ్రూప్ ఏ,బీ,సీ) రూల్స్-2021ను తీసుకొచ్చే విధంగా క్యాబినెట్ ఆమోదించింది. దీని ద్వారా రాష్ట్రంలో క్రీడలను ప్రోత్సాహించేలా ప్రత్యేక క్యాడర్ను ఏర్పాటు చేసేందుకు దోహదపడుతుంది. గ్రూప్-ఏలో డిప్యూటీ డైరెక్టర్లు(50), గ్రూప్-బీలో సీనియర్ కోచ్(100), గ్రూప్-సీలో జూనియర్ కోచ్(250)పోస్టులు కేటాయించింది. ఈ పోస్టులకు ఆటగాళ్లు దరఖాస్తు చేసుకొనేందుకు వయసు పరిమితిని 50 నుంచి 42ఏళ్లకు తగ్గించింది.
ఇదీ చూడండి: స్టార్‌ స్ప్రింటర్‌ హిమదాస్‌కు డీఎస్పీ కొలువు
