దిల్లీలోని ఇందిరాగాంధీ స్టేడియంలో నిర్వహించిన జాతీయ ఎంపిక ట్రయల్స్లో గురుప్రీత్ సింగ్ (77 కేజీ), సునీల్ కుమార్ (87 కేజీ) సహా తొమ్మిది మంది రెజ్లర్లు ఎంపికయ్యారు. ఆసియా ఒలింపిక్ క్వాలిఫయర్స్, 2021 ఆసియా ఛాంపియన్షిప్ ఈవెంట్ల దృష్ట్యా వీరి ఎంపిక జరిగింది.
గురుప్రీత్, సునీల్, జ్ఞానేంద్ర (60 కేజీ), అష్ (67 కేజీ), రవి (97 కేజీ), నవీన్ (130 కేజీ) గ్రేసో రోమన్ స్టైల్లో ఎంపికయ్యారు. సందీప్ సింగ్ మన్ (74 కేజీ), సత్యవర్త్ కడియన్ (97 కేజీ), సుమిత్ (125 కేజీ) ఫ్రీ స్టైల్ ఈవెంట్లో సెలెక్ట్ అయ్యారు. మరి కొన్ని కేటగిరీలకు సంబంధించి ట్రయల్స్ ఈనెల మూడో వారంలో జరగనున్నాయి.
ట్రయల్స్కు దూరంగా సుషీల్ కుమార్..
రెండు సార్లు ఒలింపిక్ విజేత సుషీల్ కుమార్ ప్రస్తుత ట్రయల్స్కు దూరంగా ఉన్నాడు. ఈ విషయాన్ని భారత రెజ్లింగ్ సమాఖ్య (డబ్ల్యూఎఫ్ఐ) ధ్రువీకరించింది. పూర్తి స్థాయిలో ఫిట్గా లేనందున సుషీల్ పాల్గొనడం లేదని వెల్లడించింది.
ఇదీ చదవండి: 'పంత్, కిషన్.. కోహ్లీని చూసి నేర్చుకోండి'
