ఐఎస్ఎస్ఎఫ్ షూటింగ్ ప్రపంచకప్లో భారత షూటర్లు సత్తాచాటుతున్నారు. గురువారం ఉదయం మను బాకర్ స్వర్ణంతో ఆకట్టుకోగా.. అనంతరం తమిళనాడుకు చెందిన ఎలవెనిల్ వలరివన్ పసిడి కైవసం చేసుకుంది.
10 మీటర్లు ఎయిర్ రైఫిల్ ఈవెంట్ ఫైనల్ పోరులో 250.8 పాయింట్లు సాధించి అగ్రస్థానంలో నిలిచింది ఎలవెనిల్. తైవాన్ క్రీడాకారిణి లింగ్ షిన్ 250.7 పాయింట్లతో రజతం దక్కించుకోగా.. రొమేనియా షూటర్ లారా 229 పాయింట్లతో కాంస్యం చేజిక్కించుకుంది.
అంతకుముందు మహిళల 10 మీటర్ల ఎయిర్ పిస్టల్ విభాగంలో మను బాకర్ స్వర్ణం నెగ్గింది. 244.7 పాయింట్లతో అగ్రస్థానంలో నిలిచింది. హీనా సిద్దూ తర్వాత ఈ ఘనతను సాధించిన భారతీయురాలిగా చరిత్ర సృష్టించింది మను.
ఇదీ చదవండి: షూటింగ్ ప్రపంచకప్లో మనుబాకర్కు స్వర్ణం
