టోక్యో ఒలింపిక్స్లో భారత్ వేట మొదలైంది. ఆర్చరీ మహిళల వ్యక్తిగత ర్యాంకింగ్ రౌండ్లో ఆకట్టుకునే ప్రదర్శన చేసింది వరల్డ్ నెంబర్ వన్ దీపికా కుమారి. మొత్తం 64 మందిలో 9వ స్థానంలో నిలిచింది. 72 బాణాలు సంధించి, 663 స్కోరు సాధించింది. ఈ విషయాన్ని భారత క్రీడా సమాఖ్య(SAI) ట్వీట్ చేసింది.
ఒలింపిక్ రికార్డు
క్వాలిఫికేషన్ రౌండ్లో అద్భుత ప్రదర్శన చేసిన దక్షిణాకొరియా ఆర్చర్ అన్ సన్.. అగ్రస్థానంలో నిలిచింది. మొత్తంగా 680 పాయింట్లు దక్కించుకుని, ఒలింపిక్ రికార్డు సృష్టించింది.
అంతకుముందు ర్యాంకింగ్ రౌండ్లో 673 స్కోరుతో రికార్డు ఉండగా, ప్రపంచ రికార్డు కాంగ్ చే వాంగ్(692)పేరిట ఉంది.
దీపిక.. భూటాన్ ఆర్చర్తో..
టేబుల్ టాప్లో ఉన్న ఆర్చర్లు.. దిగువ స్థానాల్లో నిలిచిన వారితో తలపడాల్సి ఉంటుంది. అంటే తొలి స్థానంలో నిలిచిన అన్ సన్, ర్యాంకింగ్ రౌండ్లో చివరి స్థానంలో(64) ఉన్న ఆర్చర్తో తదుపరి రౌండ్ ఆడాలి.
దీపికా కుమారి(9).. భూటాన్కు చెందిన కర్మాతో తొలి రౌండ్ ఆడనుంది. కర్మా ర్యాంకింగ్ రౌండ్లో 56వ స్థానంలో నిలిచింది.
దీపికకు.. అన్ సన్ క్వార్టర్ ఫైనల్లో ఎదురుపడాల్సి రావచ్చు.
జులై 27- 31 తేదీల మధ్య ఎలిమినేషన్ రౌండ్స్ జరగనున్నాయి. జులై 30న ఉమెన్స్ నాకౌట్ మ్యాచ్లు, 31న మెన్స్ నాకౌట్ మ్యాచ్లు జరగనున్నాయి.
రేపటి నుంచి మెడల్స్..
జులై 24- మిక్స్డ్ టీం ఈవెంట్
జులై 25- మహిళల టీం ఈవెంట్
జులై 26- పురుషుల టీం ఈవెంట్
పురుష ఆర్చర్లు అంతంత మాత్రమే
తొలిసారి ఒలింపిక్స్లో పాల్గొన్న ఆర్చర్ ప్రవీణ్ జాదవ్.. తొలిరోజు పోటీల్లో మెప్పించాడు. సీనియర్ ఆర్చర్లు అతాను దాస్, తరుణ్దీప్ కంటే ఎక్కువ స్కోరు చేశాడు. దీంతో పురుషుల ఆర్చరీ జట్టు 9వ స్థానంలో నిలిచింది. మిక్స్డ్ జట్టు(దీపికా కుమారి, జాదవ్ ప్రవీణ్) విభాగంలోనూ తొమ్మిదో స్థానంలో నిలిచింది.
పురుషుల వ్యక్తిగత ర్యాంకింగ్ రౌండ్లో.. భారత పురుష ఆర్చర్లు ఒక్కరు కూడా టాప్-30లో చోటు దక్కించుకోలేకపోయారు. జాదవ్ 31వ స్థానంలో, అతాన్ దాస్ 35, తరుణ్ 37వ స్థానంలో నిలిచారు.
ఇవీ చదవండి:
