Asia Cup Hockey IND VS PAK: ఆసియా కప్ పురుషుల హాకీ టోర్నమెంట్లో భాగంగా నేడు(సోమవారం) జరిగిన తొలి మ్యాచ్ డ్రాగా ముగిసింది. దాయాది దేశాల మద్య సాగిన ఈ పోరు 1-1 గోల్స్‌తో డ్రా అయ్యింది. మ్యాచ్ ఆసాంతం భారత్ ఆధిపత్యం ప్రదర్శించగా.. చివర్లో పాక్ ఓ గోల్‌ చేసి ఓటమిని తప్పించుకుంది.
మ్యాచ్ ప్రారంభం అయిన మొదటి క్వార్టర్‌లోనే భారత ఆటగాడు కార్తీ సెల్వమ్‌ అద్భుత గోల్‌ చేశాడు. ఆ తర్వాత రెండు క్వార్టర్లలో ఇరు జట్లు హోరాహోరీగా తలపడినప్పటికీ ఒక్క గోల్‌ కూడా నమోదు కాలేదు. చివరిదైన నాలుగో క్వార్టర్‌లో పాక్‌కు పెనాల్టీ కార్నర్‌ లభించగా దాన్ని అబ్దుల్‌ రాణా సద్వినియోగం చేసుకున్నాడు. దీంతో స్కోర్లు సమంగా నిలిచాయి. ఈ ఏడాది జరుగుతున్న సిరీస్‌లో ఇదే తొలి మ్యాచ్. ఈ రెండు జట్లూ ఆసియా కప్‌ను మూడేసి సార్లు గెలుచుకున్న విషయం తెలిసిందే.
ఇదీ చూడండి: ఇది ఆరంభం మాత్రమే.. అదే నా అంతిమ లక్ష్యం: నిఖత్
