అభిమానుల ఆందోళనతో మాంచెస్టర్ వేదికగా జరగాల్సిన ఫుట్బాల్ ప్రీమియర్ లీగ్లో ఓ మ్యాచ్ వాయిదా పడింది. మాంచెస్టర్ యునైటెడ్-లివర్పూల్ జట్ల మధ్య ఆదివారం జరగాల్సిన మ్యాచ్కు ప్రేక్షకులు అడ్డుపడ్డారు. 2005లో మాంచెస్టర్ యునైటెడ్ను గ్లేజర్ కుటుంబీకులు కొనుగోలు చేసినప్పటి నుంచి ఆ జట్టు అభిమానులు వ్యతిరేకిస్తున్నారు.
ఇదీ చదవండి: భారత్కు క్రికెట్ ఆస్ట్రేలియా విరాళం
"ఓల్డ్ ట్రాఫోర్డ్లో పరిస్థితులు చేయిదాటిపోయాయి. దీంతో ఆదివారం జరగాల్సిన మ్యాచ్ వాయిదా పడింది. ఇది అందరి సమష్టి నిర్ణయం. అభిమానులు పెద్ద సంఖ్యలో ఆటగాళ్ల డ్రెస్సింగ్ రూముల్లోకి చొరబడ్డారు. గ్లేజర్స్ బయటికి వెళ్లిపోండి అని నినాదాలు చేశారు" అని ప్రీమియర్ లీగ్ అధికారిక ప్రకటన చేసింది.
ప్రస్తుతం ఈ లీగ్లో మాంచెస్టర్ యునైటెడ్ అగ్రస్థానంలో ఉన్న టీమ్ కంటే 13 పాయింట్లు వెనకబడి ఉంది. లీగ్లో మంచి ప్రదర్శన చేయకపోవడం కూడా అభిమానులు ఆగ్రహించడానికి ఒక కారణం.
ఇదీ చదవండి: 'ఆరెంజ్ జెర్సీలో వార్నర్ కనిపించడం ఇదే చివరిసారి!'
