ఫిఫా అండర్-17 మహిళా ప్రపంచకప్ను వాయిదా వేస్తున్నట్లు ప్రకటించారు నిర్వాహకులు. కరోనా మహమ్మారి ప్రభావం కారణంగా వాయిదా వేస్తునట్లు పాలక మండలి తెలిపింది. నవంబర్లో భారత్ వేదికగా ఈ మెగాటోర్నీ జరగాల్సి ఉంది.
"పాలకమండలి నిర్ణయం మేరకు ఫిఫా అండర్-20 మహిళా ప్రపంచకప్తో పాటు ఫిఫా అండర్-17 మహిళా ప్రపంచకప్ను వాయిదా వేస్తున్నాం. త్వరలోనే కొత్త తేదీలను ప్రకటిస్తాం."
-ఫిపా ప్రకటన
ఫిఫా అండర్-20 మహిళా ప్రపంచకప్ పనామా/కోస్టారికాలో ఆగస్టు-సెప్టెంబర్లో జరగాల్సి ఉంది. అదే విధంగా అండర్-17 మహిళా మెగాటోర్నీ భారత్ వేదికగా నవంబర్ 2-21 మధ్య జరగాల్సి ఉంది. ఈ టోర్నీలో మొత్తం 16 జట్లు పోటీ పడనున్నాయి. ఆతిథ్యం ఇస్తున్నందుకు భారత్ కూడా పాల్గొనాల్సి ఉంది. ఇండియా మహిళా జట్టుకు ఇదే తొలి ప్రపంచకప్ కావడం విశేషం.
