టీమ్ఇండియా విధ్వంసకర ఓపెనర్ రోహిత్ శర్మ(Rohit Sharma)ను ప్రశంసించాడు టీమ్ఇండియా మాజీ వికెట్కీపర్ కిరణ్ మోరె. హిట్మ్యాన్ను పరిమిత ఓవర్ల సిరీస్కు కెప్టెన్గా నియమించాలని వస్తోన్న వాదనలకు మద్దతు పలికాడు. రోహిత్ భవిష్యత్లో సారథి అవుతాడని ధీమా వ్యక్తం చేశాడు. త్వరలోనే భారత జట్టు.. ఇంగ్లాండ్ పర్యటనకు వెళ్లనుండటం, అక్టోబర్-నవంబరు మధ్యలో జరగబోయే టీ20 ప్రపంచకప్(T20 world cup)ను దృష్టిలో పెట్టుకుని ఈ వ్యాఖ్యలు చేశాడు మోరె. మాజీ క్రికెటర్ ధోనీ సారథ్యంలో కోహ్లీ చాలా నేర్చుకున్నాడన్న మోరే.. భవిష్యత్లో విరాట్ సారథ్య బాధ్యతల్ని పంచుకునే అవకాశముందని చెప్పాడు.
"బోర్డు ఈ విషయాలను పరిగణలోకి తీసుకుంటుందని అనుకుంటున్నా. రోహిత్ శర్మకు త్వరలోనే సారథ్యం వహించే అవకాశం వస్తుందని భావిస్తున్నా. ధోనీ ఆధ్వర్యంలో కోహ్లీ తెలివగల సారథిగా వృద్ధి చెందాడు. ఎంతకాలం వన్డేలు, టీ20లకు కెప్టెన్గా ఉండాలని అనుకుంటాడు? అతడు కూడా ఈ విషయమై ఆలోచిస్తాడు. ఇంగ్లాండ్ పర్యటన తర్వాత దీనిపై స్పష్టత వస్తుంది."
-మోరె, టీమ్ఇండియా మాజీ వికెట్కీపర్.
కోహ్లీ.. కెప్టెన్సీ బాధ్యతల్ని రోహిత్(Rohit)తో పంచుకుంటే భవిష్యత్ తరాలకు ఓ బలమైన సందేశాన్ని ఇచ్చినట్లవుతుందని అన్నాడు మోరె. "భారత్లో ఒక్కో ఫార్మట్కు ఒక్కో కెప్టెన్ అనే పంథా సెట్ అవుతుంది. టీమ్ఇండియా భవిష్యత్ను తీర్చిదిద్దటం ఎంతో ముఖ్యమని సీనియర్ ఆటగాళ్లు భావిస్తారు. కోహ్లీ (Kohli) ఒక్కడే మంచి ప్రదర్శన చేస్తూ.. మూడు ఫార్మాట్లను నడిపించటం అంత సులువు కాదు. ప్రస్తుతం అతడు కెప్టెన్గా జట్టును గెలిపిస్తూ బాగానే ఆడుతున్నాడు. అయితే.. 'ఇక చాలు.. రోహిత్ ఇకపై నా బాధ్యతలు పంచుకుంటాడు' అని ఒక రోజు అంటాడని అనుకుంటున్నా. తప్పకుండా ఇది మన భవిష్యత్ తరాలకు ఓ మంచి బలమైన సందేశంగా మారుతుంది. ఏదేమైనప్పటికీ ఇదంతా విరాట్ మీద అధారపడి ఉంటుంది. అతడు మనిషే కదా, తన మెదడూ అలిసిపోతుంది" అని మోరె వివరించాడు.
ఇంగ్లాండ్ పర్యటనలో న్యూజిలాండ్తో జున్ 18-25 ప్రపంచటెస్టు ఛాంపియన్షిప్ ఫైనల్ (WTC Final), ఇంగ్లీష్ జట్టుతో ఆగస్టు 4-సెప్టెంబరు 14వరకు టెస్టు సిరీస్ ఆడనుంది టీమ్ఇండియా.
ఇదీ చూడండి 'కోహ్లీకి భారంగా అనిపిస్తే సారథ్యం రోహిత్కు ఇవ్వాలి'
