విరాట్ 'చికెన్‌ టిక్కా' పోస్టు - ఫ్యాన్స్​లో కన్​ఫ్యూజన్-​ అసలు ఈ వంటకం స్పెషాలిటీ ఏంటంటే ?

Virat Kohli Mock Chicken Tikka : ఓ కొత్త రకమైన వంటకాన్ని సోషల్ మీడియాలో అప్​లోడ్​ చేసి తన ఫ్యాన్స్​ను కన్​ఫ్యూజన్​లో పడేశాడు టీమ్ఇండియా స్టార్​ క్రికెటర్ విరాట్ కోహ్లీ. దీంతో ఫ్యాన్స్ మెత్తం అదే పనిగా ఈ 'మాక్​ చికెన్​' సీక్రెట్​ను కనిపెట్టేందుకు ప్రయత్నాలు చేస్తున్నారు. ఇంతకీ ఈ కొత్త వంటకం ఏంటంటే ?

Virat Kohli Mock Chicken Tikka : టీమ్ఇండియా స్టార్ క్రికెటర్ విరాట్ కోహ్లీ ఇటీవలే ఓ స్పెషల్ మెనూను తన ఇన్​స్టాగ్రామ్ స్టోరీలో షేర్ చేశారు. 'మాక్‌ చికెన్‌ టిక్కా' అనే వంటకానికి సంబంధించిన ఫొటోను అప్​లోడ్​ చేశారు. "ఈ మాక్‌ చికెన్‌ టిక్కాను మీరు తప్పక ఇష్టపడతారు" అంటూ క్యాప్షన్​ను జోడించారు. ఇది చూసిన ఫ్యాన్స్ ఒక్కసారిగా షాకయ్యారు.

విరాట్ కోహ్లీ కొంత కాలం నుంచి కేవలం వెజిటేరియన్ ఫుడ్​ను తింటున్న విషయం తెలిసిందే. ఆరోగ్య సంబంధ సమస్యల కారణాల వల్ల అతడు నాన్‌వెజ్‌ నుంచి వెజిటేరియన్‌గా మారాల్సి వచ్చిందని కూడా పలు మార్లు వెల్లడించారు. దీంతో ఈ తాజా పోస్ట్​ను చూసిన అభిమానులు ఒక్కసారిగా అవాకయ్యారు. 'విరాట్​ ఎప్పుడో శాకాహారిగా మారిపోయారు కదా మరి ఇదేంటి' అంటూ కామెంట్ల వర్షాన్ని కురిపించారు. మరికొందరేమో ఈ పేరు కొత్తగా ఉండటం వల్ల అసలు ఈ డిష్​ ఏంటో అంటూ నెట్టింట తెగ ఆరా తీస్తున్నారు.

అయితే, ఓ అభిమాని మాత్రం నెట్టింట సెర్చ్​ చేసి దీనికి చక్కటి సమాధానం ఇచ్చాడు." కొంతమందికి చికెన్‌ టిక్కాకు మాక్‌ చికెన్‌ టిక్కాకు తేడా తెలియడం లేదు. ఇది పూర్తిగా వెజిటేరియన్‌ డిష్​. ఓ రకమైన మొక్కల నుంచి తయారు చేసిన ఆహారం. దీని అర్థం తెలియక కోహ్లీ నాన్‌వెజ్‌ తిన్నాడంటూ కాంటవర్సీలు చేస్తున్నారు" అంటూ సోషల్ మీడియాలో రాసుకొచ్చాడు. ఇది చూసిన అభిమానులు తొలుత ఊపిరి పీల్చుకున్నప్పటికీ ఆ తర్వాత ఈ డిష్​ను తాము కూడా ట్రై చేస్తామంటూ ఆ ఫొటోను నెట్టింట ట్రెండ్​ చేస్తున్నారు.

అసలు ఈ 'మాక్​ చికెన్​ టిక్కా' ఏంటంటే ?
What is Mock Chicken Tikka : ఇది వెజ్​లో ఒక రకమైన వంటకం. చికెన్ టిక్కా లాగే ఉండే ఈ 'మాక్‌ చికెన్ టిక్కా'ను చికెన్‌తో తయారు చేయరు. ఇందులో అదే పోషకాలు గల సోయా చంక్స్​ను ఉపయోగిస్తారు. చాలా ఏళ్లుగా ఇది వెజిటేరియన్ల 'నాన్‌వెజ్' వెర్షన్​గా పలు ప్రాంతాల్లో పాపులరైంది. అయితే రుచి పరంగా మాత్రం సాధారణ చికెన్‌ టిక్కాకు, సోయాతో తయారు చేసిన టిక్కాకు పెద్దగా తేడా ఏం అనిపించదు. అందుకే ఈ 'మాక్‌' వెర్షన్‌ను ఎక్కువగా సోయాతోనే తయారు చేస్తుంటారు. దీంతో నాన్‌వెజ్‌ను మానేసిన విరాట్ కోహ్లీ కూడా అప్పుడప్పుడు సోయాతో తయారు చేసిన ఈ 'మాక్‌ చికెన్‌'నే అప్పుడప్పుడు తింటుంటాడు.

• Will u eat Mock Chicken? Since it's plant based. #ViratKohli pic.twitter.com/LDI7XNp2jw

  — Archie 🐰 (@Bimliii) December 13, 2023 " class="align-text-top noRightClick twitterSection" data="

  Will u eat Mock Chicken? Since it's plant based. #ViratKohli pic.twitter.com/LDI7XNp2jw

  — Archie 🐰 (@Bimliii) December 13, 2023

  ">

  Will u eat Mock Chicken? Since it's plant based. #ViratKohli pic.twitter.com/LDI7XNp2jw

  — Archie 🐰 (@Bimliii) December 13, 2023