అండర్-19 ఆసియాకప్ తొలి మ్యాచ్లో టీమ్ఇండియా జట్టు ఓటమిపాలైంది. పాకిస్థాన్ చేతిలో రెండు వికెట్ల తేడాతో మ్యాచ్ చేజార్చుకుంది. పాక్ బ్యాటర్ మహమ్మద్ షెజాద్(81) విజయంలో కీలకపాత్ర పోషించాడు.
టాస్ ఓడి తొలుత బ్యాటింగ్కు దిగిన భారత్కు ఆదిలోనే దెబ్బ తగిలింది. ఓపెనర్ రఘువంశీ డకౌట్ అయ్యాడు. ఆ తర్వాత షేక్ రషీద్(6), కెప్టెన్ యశ్ దుల్(0) త్వరత్వరగా పెవిలియన్కు చేరారు. ఓ ఎండ్లో నిలబడిన హర్నూర్ సింగ్(46) మెల్లగా స్కోరు పెంచుతూ పోయాడు.
అయితే టాప్ఆర్డర్ వెంటవెంటనే వికెట్లు కోల్పోయినప్పటికీ లోయరార్డర్ మాత్రం గట్టిగా నిలబడింది. రాజ్ 25, కౌశల్ 32, రాజ్వర్ధన్ 33 పరుగులతో మెప్పించారు. ఆరాధ్య యాదవ్ హాఫ్ సెంచరీ చేసి ఆకట్టుకున్నాడు. దీంతో 49 ఓవర్లలో 237 పరుగులకు ఆలౌటైంది.
అనంతరం ఛేదన ప్రారంభించిన పాక్ జట్టుకు కూడా దెబ్బ తగిలింది. ఓపెనర్ అబ్దుల్ డకౌట్ అయ్యాడు. వన్డౌన్లో వచ్చిన మహమ్మద్ షెజాద్ అత్యధికంగా 81 పరుగులు చేశాడు.
మిగిలిన బ్యాటర్లలో సదఖత్ 29, కెప్టెన్ ఖసీమ్ 22, ఇర్ఫాన్ ఖాన్ 32, రిజ్వాన్ 29 పరుగులు చేసి జట్టును గెలిపించారు. అయితే చివరి బంతికి బౌండరీ కొట్టిన అహ్మద్.. పాక్ జట్టును విజయాన్ని అందించాడు.
