'తానొకటి తలిస్తే.. దైవమొకటి తలుస్తుంది' అనేది తెలుగు నానుడి. కొంతమంది జీవితాలకు అది ఇట్టే సరిపోతుంది. ఇందుకు ప్రత్యక్ష ఉదాహరణ శ్రీలంక మాజీ క్రికెటర్ సూరజ్ రణ్దీవ్ (Suraj Randiv). ఒకప్పుడు అంతర్జాతీయ క్రికెట్లో ఫర్వాలేదనిపించిన సూరజ్.. ప్రస్తుతం ఇల్లు గడవలేని పరిస్థితుల్లో ఉన్నాడు.
2011 ప్రపంచకప్లో శ్రీలంకకు ప్రాతినిధ్యం వహించాడు సూరజ్. కానీ, ప్రస్తుతం తన ఇల్లు గడవడానికి ఆస్ట్రేలియాలో బస్సు డ్రైవర్గా పనిచేస్తున్నాడు. టీమ్ఇండియాతో జరిగిన ఫైనల్ పోరులోనూ ఈ ఆఫ్బ్రేక్ బౌలర్ ఆడాడు. లంక తరఫున 12 టెస్టుల్లో 43, 31 వన్డేల్లో 36, 7 టీ20ల్లో 7 వికెట్ల చొప్పున తీసుకున్నాడు. సుదీర్ఘ ఫార్మాట్లోనే కాకుండా వన్డేల్లోనూ ఒకసారి 5 వికెట్ల ప్రదర్శన చేశాడు.
రణ్దీవ్.. ఐపీఎల్లో చెన్నై జట్టుకు ప్రాతినిధ్యం వహించాడు. రెండు సీజన్లలో 8 మ్యాచ్లు ఆడిన అతడు 6 వికెట్లు తీశాడు. జిల్లా స్థాయిలో దండేనాంగ్ క్రికెట్ క్లబ్కు ఆడాడు. 2020-21 బోర్డర్- గావస్కర్ సిరీస్కు ముందు ఆసీస్ బౌలర్లకు నెట్ బౌలర్గానూ పనిచేశాడు.
ఇక ఆస్ట్రేలియాలో రణ్దీవ్తో పాటు మరో లంక ఆటగాడు చింతక నమస్తే, మాజీ జింబాబ్వే ప్లేయర్ వడ్డింగ్టన్ వెయెంగా.. సైతం బస్ డ్రైవర్లుగా పనిచేస్తున్నారు.
ఇదీ చదవండి: Virat Kohli: 'అది ప్రత్యర్థి బలాన్ని బట్టి ఉంటుందా?.. ఇదేం ప్రశ్న'
