తొలి డబ్ల్యూటీసీ టైటిల్ దక్కించుకుని జోరుమీదున్న న్యూజిలాండ్.. తాజాగా యూఏఈ వేదికగా అక్టోబర్లో జరగనున్న టీ20 ప్రపంచకప్ కోసం జట్టును ప్రకటించింది. వెటరన్ క్రికెటర్ రాస్ టేలర్, టాప్ ఆల్రౌండర్ కోలిన్ డీ గ్రాండ్హోమ్ పేర్లు ఈ 15మంది సభ్యుల జాబితాలో లేవు. విలియమ్సన్ సారథ్యంలో ట్రెంట్ బౌల్ట్, టిమ్ సౌథి, ఫెర్గూసన్, కైల్ జేమీసన్.. పేస్ దళాన్ని నడిపించనున్నారు. ఇక టీమ్ సీఫర్ట్, మార్టిన్ గప్తిల్తో బ్యాటింగ్ లైనప్ బలంగా ఉంది.
జట్టు:-
కేన్ విలియమ్సన్, టిమ్ సౌథి, పెర్గూసన్, ట్రెంట్ బౌల్ట్, కైల్ జేమీసన్, డరైల్ మిషెల్, జిమ్మీ నీషమ్, టాడ్ ఆస్లే, ఇష్ సోధి, మిషెల్ సాంట్నర్, టిమ్ సీఫర్ట్, మార్టిన్ గప్తిల్, డివన్ కాన్వే, మార్క్ చాప్మన్, గ్లెన్ ఫిలిప్స్, ఆడమ్ మిల్న్(16వ సభ్యుడు).
దీనితో పాటు సెప్టెంబర్లో జరగనున్న బంగ్లాదేశ్, పాకిస్థాన్ సిరీస్లకు జట్టును ప్రకటించింది కివీస్.
ఈ సిరీస్ల తర్వాత.. ప్రపంచకప్ ముందు.. జరగనున్న ఐపీఎల్లో ప్లేయర్లు పాల్గొనేందుకు కివీస్ అనుమతినిచ్చింది.
ఐపీఎల్2021 ద్వితీయ భాగం.. సెప్టెంబర్19తో మొదలై.. ఆక్టోబర్ 15తో ముగుస్తుంది. అక్టోబర్ 17-నవంబర్ 14 వరకు టీ20 ప్రపంచకప్ జరగనుంది.
ఇదీ చూడండి:- WTC Final: తీరిన ఎన్నో ఏళ్ల న్యూజిలాండ్ కల
