ఇంగ్లాండ్ టూర్కు ముందు భారత మహిళల క్రికెట్కు శుభవార్త చెప్పింది బీసీసీఐ. భారత మాజీ ఓపెనర్ శివ సుందర్ దాస్.. భారత మహిళల క్రికెట్ టీమ్ బ్యాటింగ్ కోచ్గా ఎంపికయ్యాడు. రాహుల్ ద్రవిడ్ నేతృత్వంలోని జాతీయ క్రికెట్ అకాడమీ (ఎన్సీఏ)లో పనిచేసిన అనుభవం తనకు ఈ విధంగా ఉపయోగపడిందని దాస్ తెలిపాడు.
"గత నాలుగైదు ఏళ్లుగా ఎన్సీఏలో భాగంగా ఉన్నాను. గత కొన్నేళ్లుగా బ్యాటింగ్ కోచ్గా పనిచేస్తున్నాను. నాపై నమ్మకముంచి నాకు ఈ అవకాశమిచ్చిన రాహుల్ ద్రవిడ్, సౌరభ్ గంగూలీకి ధన్యవాదాలు"
-శివ సుందర్ దాస్, మాజీ భారత క్రికెటర్.
2000-02 మధ్య భారత్కు ప్రాతినిధ్యం వహించాడు ఎస్ఎస్ దాస్. 23 టెస్టులు ఆడిన అతడు 35కి పైగా సగటుతో 1300 పరుగులు సాధించాడు. అందులో రెండు సెంచరీలు, తొమ్మిది అర్ధ శతకాలు ఉన్నాయి.
గతంలో అంతర్జాతీయ స్థాయిలో, లీగ్ స్థాయిలో ఇంగ్లాండ్లో క్రికెట్ ఆడిన అనుభవం ప్రస్తుతం ఉపయోగపడనుందని దాస్ పేర్కొన్నాడు. అక్కడి పరిస్థితులపై పూర్తి అవగాహన ఉందని చెప్పాడు. 2002 టెస్టు సందర్భంగా ఇంగ్లాండ్పై 250 పరుగులు చేశాడు. సుదీర్ఘ ఫార్మాట్లో తనకిదే అత్యధిక స్కోరని వెల్లడించాడు.
ఇదీ చదవండి: 'ఆస్ట్రేలియన్ ఓపెన్ నిర్వహణకు మేం రెడీ'
