Shikhar Dhawan Odi Career : టీమ్ఇండియా సీనియర్ లెఫ్ట్ హ్యాండ్ బ్యాటర్ శిఖర్ ధావన్.. అనూహ్యంగా జట్టులో స్థానం కోల్పోయాడు. గతేడాది డిసెంబర్లో బంగ్లాదేశ్ పర్యటన తర్వాత ధావన్కు జట్టులో చోటు దక్కలేదు. అయితే తాజా ఐపీఎల్లోనూ 142 స్ట్రైక్ రేట్తో 373 పరుగులతో టచ్లోకి వచ్చినట్లు కనిపించిన ధావన్.. ఈసారి కనీసం ఒక పర్యటనలో ఎంపికవుతాడని భావించారు అతడి ఫ్యాన్స్.
కానీ డబ్ల్యూటీసీ ఫైనల్, విండీస్ టూర్లకు ధావన్ ఎంపికకాలేదు. ఇక అసియా ఛాంపియన్స్షిప్నకు బీసీసీఐ .. కుర్రాళ్లతో కూడిన జట్టును సిద్ధం చేస్తుందని వార్తలు వచ్చిన నేపథ్యంలో ధావనే ఈ యువ జట్టుకు నాయకత్వం వహిస్తాడన్న వాదనలూ వినిపించాయి. కానీ అనుహ్యంగా యంగ్ప్లేయర్ రుతురాజ్ గైక్వాడ్కే.. సెలక్టర్లు మొగ్గుచూపారు. దీంతో ధావన్కు మరోసారి నిరాశే ఎదురైంది. కానీ నాలుగేళ్లుగా వన్డేల్లో ధావన్ గణాంకాలు ఓసారి పరిశీలిస్తే.. మరీ అంత పేలవంగా ఏమీ లేదనిపిస్తుందనేది వాస్తవమైన మాట.
2019 ప్రపంచకప్ తర్వాత ధావన్ 37 మ్యాచ్లకుగాను.. 35 ఇన్నింగ్స్ల్లో బ్యాటింగ్ చేశాడు. 41.03 సగటున 1313 పరుగులు చేశాడు ధావన్. ఇందులో ఏకంగా 12 అర్ధశతకాలు ఉన్నాయి. ఇక పూర్తి వన్డే కెరీర్ చూస్తే.. ఇప్పటి వరకు 167 మ్యాచ్లు ఆడాడు. ఇందులో 44 సగటున ధావన్.. 6793 పరుగులు చేశాడు. వన్డే కెరీర్లో 17 శతకాలు, 39 అర్ధశతకాలు సాధించాడు. కాగా 2015 ప్రపంచకప్లోనూ 412 పరుగులు చేసి టీమ్ఇండియాలో కీలకంగా మారాడు.
అయితే తాజాగా ఆసియా గేమ్స్కు ఎంపిక చేసిన జట్టులో తన పేరు లేకపోవడంపై ధావన్ రీసెంట్గా స్పందించాడు. "చైనా అసియా గేమ్స్కు వెళ్లే భారత జట్టులో నా పేరు లేకపోవడంతో నేను షాక్కు గురయ్యా. ఏదిఏమైనా సెలెక్టర్ల నిర్ణయాన్ని గౌరవించాలి. యువ భారత జట్టు అదరగొట్టాలని ఆశిస్తున్నా" అని ధావన్ తన అభిప్రాయాన్ని చెప్పాడు.
ఇక టీమ్ఇండియా కెప్టెన్ రోహిత్ శర్మతో కలిసి కొన్నేళ్లపాటు ఇన్నింగ్స్ ఓపెన్ చేశాడు శిఖర్ ధావన్. నిలకడైన ఆటతీరుతో, క్రీజులో కుదురుకున్నాక బౌలర్లపై ఎదురుడాడికి దిగుతూ బౌండరీల వర్షం కురిపించేవాడు. కాగా వరల్డ్ కప్ సమీపిస్తున్న తరుణంలో ధావన్ పేరును పరిశీలనలోకి తీసుకోవాలంటూ అతడి ఫ్యాన్స్ సోషల్ మీడియాలో కామెంట్లు పెడుతున్నారు. మరి ఇప్పుడు టీమ్ఇండియాలో ప్లేయర్ల మధ్య తీవ్రమైన పోటీ ఏర్పడింది. ఇలాంటి పరిస్థితుల్లో ఆసియా కప్, ప్రపంచకప్ జట్టు కూర్పు ఎలా ఉండనుందో అని సర్వత్రా ఆసక్తి నెలకొంది.
ఆసియా క్రీడల్లో టీమ్ఇండియా.. కెప్టెన్గా శిఖర్ ధావన్!.. కోచ్ ఎవరో తెలుసా?
టీమ్ఇండియాలో చోటు కోల్పోవడంపై స్పందించిన గబ్బర్.. ఏమన్నాడంటే?
