ఐపీఎల్ గురించి ప్రత్యేకంగా చెప్పనక్కర్లేదు. రిచెస్ట్ లీగ్గా పేరొందిన ఈ మెగాటోర్నీని ప్రపంచ క్రికెట్ బోర్డులలో సంపన్న బోర్డుగా పేరు గాంచిన బీసీసీఐ ఆధ్వర్యంలో నడుస్తోంది. అయితే ఇప్పుడు ఈ ఐపీఎల్ లీగ్ ఫ్రాంచైజీలకు శుభవార్త! సౌదీ అరేబియాలో ప్రపంచంలోనే అతిపెద్ద రిచెస్ట్ ఫ్రాంచైజీ క్రికెట్ లీగ్ నిర్వహించేందుకు సన్నాహాలు చేస్తున్నట్టు తెలుస్తోంది. ఇప్పటికే లీగ్ నిర్వహణపై ఐపీఎల్ యజమానులతో సౌదీ ప్రతినిథులు చర్చలు సాగించినట్టు సమాచారం. త్వరలోనే కార్యరూపం దాల్చనుందట.
ఈ విషయం గురించి పలు ఇంగ్లీష్ వైబ్సైట్లతో కథనాలు వస్తున్నాయి. సౌదీ అరేబియాలో క్రికెట్ను ప్రోత్సహించేందుకు.. ఐపీఎల్ తరహాలో భారీ టీ20లీగ్ను నిర్వహించాలని అనుకుంటున్నారట. ఏడాది క్రితం నుంచే సౌదీ.. ఈ విషయమై గ్రౌండ్ వర్క్ చేస్తోందట. అన్నీ కుదిరితే వచ్చే ఏడాది నుంచే ఈ టీ20 లీగ్ ప్రారంభమయ్యే అవకాశాలు ఉన్నాయని తెలుస్తోంది.
ఫ్రాంచైజీలకు భారీగా రాయితీలు.. తమ దేశంలో నిర్వహించబోయే ఈ క్రికెట్ లీగ్లో ఫ్రాంచైజీలను కొనుగోలు చేసేందుకు ముందుకు రావాలని, ఇందుకోసం రాయితీలను కూడా ఇచ్చేందుకు సౌదీ ప్రభుత్వం సిద్ధమైనట్టు కథనాలు వస్తున్నాయి. ఇప్పటికే ఐపీఎల్లోని చాలా ఫ్రాంచైజీలు.. వివిధ దేశాల్లో జరుగుతున్న లీగ్స్లో భాగస్వామ్యమయ్యాయి. అందుకే సౌదీలో కూడా వారితోనే ఈ టీ20 లీగ్ను నిర్వహించేలా అక్కడి ప్రతినిధులు ప్రణాళికలు రచిస్తున్నారట. అయితే ఇది ఇంకా ప్రస్తుతం చర్చల దశలోనే ఉంది. కాగా, ఏ దేశంలోనైనా ఫ్రాంచైజీ లీగ్ నిర్వహించాలంటే ఐసీసీ అనుమతి తప్పనిసరిగా ఉండాలి. అందుకే ఐసీసీతోనూ సౌదీ ప్రతినిధులు చర్చలు జరుపుతున్నారట.
ఇకపోతే భారత క్రికెటర్లకు ప్రపంచవ్యాప్తంగా ఉన్న డిమాండ్ తెలిసిందే. వారికి వరల్డ్ వైడ్గా అభిమానులు ఉంటారు. ఈ లీస్ట్లో విరాట్ కోహ్లీ, రోహిత్ శర్మ, ధోనీ, హార్దిక్ పాండ్య, రిషభ్ పంత్ సహా పలువురు ఆటగాళ్లు ముందు వరుసలో ఉంటారు. అయితే భారత ఆటగాళ్లను.. ఇతర దేశ ఫ్రాంచైజీ లీగ్లో ఆడేందుకు బీసీసీఐ అనుమతి ఇవ్వదు. కానీ ఇప్పుడు సౌదీ ప్రతినిధులు.. బీసీసీఐతో మాట్లాడి.. ఎలాగైనా భారత ప్లేయర్లను తమ లీగ్లో ఆడేలా ఒప్పించాలని ప్రయత్నాలు చేసేందుకు ఆలోచిస్తుందట. చూడాలి మరి ఏం జరుగుతుందో..
ప్రస్తుతం భారత్లో ఐపీఎల్ 2023 సీజన్ రసవత్తరంగా సాగుతోంది. హోరా హోరీగా సాగుతున్న ఈ మ్యాచ్ల్లో ఇప్పటివరకు ఆడిన అందరూ తమ గేమ్తో అభిమానులను ఆకట్టుకుంటున్నారు. ఈ మ్యాచ్లను తిలకించేందుకు భారీ సంఖ్యలో అభిమానులు వస్తున్నారు. ఇక వివిధ రంగాలకు చెందిన సెలబ్రిటీలు కూడా మ్యాచ్లకు హాజరై స్టేడియంలో సందడి చేస్తున్నారు.
ఇదీ చూడండి: IPL 2023 PBKS VS GT : మ్యాచ్లో సామ్ కరణ్ను ఎంకరేజ్ చేసిన ఆ అందం ఎవరబ్బా?
