New Zealand World Cup Squad 2023 : వరల్డ్​కప్​నకు కివీస్ జట్టు ప్రకటన.. కేన్​ మామ వచ్చేశాడుగా..

New Zealand World Cup Squad 2023 : భారత్ వేదికగా జరగనున్న వన్డే వరల్డ్​కప్​నకు కివీస్​ తమ జట్టును ప్రకటించింది. ఈ జట్టుకు కేన్ విలియమ్సన్​ సారథిగా ఎంపికయ్యాడు. ఆరు నెలల తర్వాత మళ్లీ కేన్​ మామ.. మైదానంలోకి దిగుతున్నాడు. వరల్డ్ కప్​లో ఆడే కివీస్ జట్టు ఇదే?

New Zealand World Cup Squad 2023 : మరికొద్ది రోజుల్లో భారత్‌ వేదికగా వన్డే ప్రపంచకప్‌ ప్రారంభం కానుంది. ఈ నేపథ్యంలో 15 మంది ఆటగాళ్లతో తమ జట్టును ప్రకటించింది న్యూజిలాండ్‌ క్రికెట్‌. ఈ జట్టుకు కేన్‌ విలియమ్సన్‌ కెప్టెన్​గా వ్యవహరించనున్నాడు. గాయం కారణంగా దాదాపు ఆరు నెలలుగా జట్టుకు దూరంగా ఉంటున్న కేన్​ మామ.. ఇప్పుడు పూర్తి ఫిట్‌నెస్‌ సాధించాడు. దీంతో ఈ మెగా ఈవెంట్‌ జట్టులో అతడికి చోటు దక్కింది. ఈ ఏడాది ఐపీఎల్‌ సందర్భంగా గాయపడిన విలియమ్సన్‌.. అప్పటి నుంచి ఆటకు దూరంగా ఉన్నాడు.

అదే విధంగా యువ ఆల్‌రౌండర్లు రచిన్‌ రవీంద్ర, మార్క్‌ చాప్‌మన్‌కూ వరల్డ్​కప్ టీమ్​లో చోటు దక్కింది. మరోవైపు.. విధ్వంసకర ఓపెనర్‌ ఫిన్‌ అలెన్‌పై సెలక్టర్లు వేటు వేశారు. ఇక గాయం కారణంగా స్టార్‌ పేసర్‌ ఆడమ్‌ మిల్నే టోర్నీ మొత్తానికి దూరమయ్యాడు. విలియమ్సన్, డారిన్ మిచెల్, డెవాన్ కాన్వే, గ్లెన్ ఫిలిప్స్, మార్క్ చాప్‌మన్, విల్ యంగ్​తో కివీస్ బ్యాటింగ్ లైనప్​ బలంగా ఉండగా.. ట్రెంట్ బౌల్ట్, టిమ్ సౌతీ, లాకీ ఫెర్గూసన్, మాట్ హెన్రీలతో పేస్​ బలంగా ఉంది.

ICC World Cup 2023 New Zealand Team Squad : వరల్డ్‌కప్​నకు ఎంపికైన న్యూజిలాండ్‌ జట్టు: కేన్ విలియమ్సన్ (కెప్టెన్), ట్రెంట్ బౌల్ట్, మార్క్ చాప్‌మన్, డెవాన్ కాన్వే, లాకీ ఫెర్గూసన్, మాట్ హెన్రీ, టామ్ లాథమ్(వైస్​ కెప్టెన్​, వికెట్​ కీపర్​), డారిల్ మిచెల్, జిమ్మీ నీషమ్, గ్లెన్ ఫిలిప్స్, రచిన్ రవీంద్ర, మిచెల్ సాంట్నర్, ఇష్ సోధి, టిమ్ సౌతీ, విల్ యంగ్

• Our 15 for the @cricketworldcup in India! More | https://t.co/D2jqxQxWeE #BACKTHEBLACKCAPS pic.twitter.com/wIlzA5N3qU

  — BLACKCAPS (@BLACKCAPS) September 10, 2023 " class="align-text-top noRightClick twitterSection" data="

  Our 15 for the @cricketworldcup in India! More | https://t.co/D2jqxQxWeE #BACKTHEBLACKCAPS pic.twitter.com/wIlzA5N3qU

  — BLACKCAPS (@BLACKCAPS) September 10, 2023

  ">

  Our 15 for the @cricketworldcup in India! More | https://t.co/D2jqxQxWeE #BACKTHEBLACKCAPS pic.twitter.com/wIlzA5N3qU

  — BLACKCAPS (@BLACKCAPS) September 10, 2023

అహ్మదాబాద్ వేదికగా కివీస్​.. అక్టోబరు 5న డిఫెండింగ్ ఛాంపియన్​ ఇంగ్లాండ్​తో తలపడనుంది. ఇదే 2023 వరల్డ్​కప్ సీజన్​లో తొలి మ్యాచ్​. 2019 వరల్డ్​ కప్​లో ఇవే జట్లు ఫైనల్​లో తలపడ్డాయి. ఈ మ్యాచ్​లో ఇంగ్లాండ్ విజయం సాధించి.. వరల్డ్ కప్ విజేతగా నిలిచింది. కాగా.. అక్టోబరు 5 నుంచి నవంబరు 19 వరకు భారత్ వేదికగా వరల్డ్​కప్ జరగనుంది.